Kiyevə raket hücumları nəticəsində 5 nəfər ölüb.
Daha əvvəl Kiyevin meri Vitali Kliçko partlayışın Şevçenkovski rayonunda baş verdiyini bildirib.
“Hazırda üç yaralının adı məlumdur. Onlardan biri xəstəxanaya yerləşdirilib, digərlərinə isə yerindəcə tibbi yardım göstərilib”, - mer bildirib.
***
Rusiya Silahlı Qüvvələrinin Kiyevə endirdiyi raket zərbələri nəticəsində 3 nəfər yaralanıb.
Bu barədə UNİAN məlumat yayıb.
Bildirilib ki, “Tu-95” bombardmançılarından qanadlı raketlər buraxılıb, ballistikadan istifadə olunub, həmçinin “Kinjal” və “Kalibr” raketlərinin buraxılışı olub. Mülki infrastruktura zərbələr endirilir.
***
Kiyevin Şevçenkovski rayonunda baş verən partlayışdan sonra insanların metronun “Lukyanovskaya” stansiyasından təxliyəsinə başlanılıb.
Bu barədə Ukrayna KİV-i məlumat yayıb.
Düşən raketin partlaya biləcəyi bildirilir.
Kiyev şəhər hərbi administrasiyası raket hücumu nəticəsində dağıntıların Solomenski, Dnepr və Qoloseyevski rayonlarına düşdüyünü qeyd edib. İlkin məlumata görə, yanğın var.
Dağıntı və tələfatla bağlı məlumat dəqiqləşdirilir.(UNİAN)
