“İrəvanın sürətlə silahlanması Ermənistanın revanşist arzularla yaşadığını, müharibə istədiyini göstərir. Lakin onlar bilməlidirlər ki, bunun peşmanı da özləri olacaq”.

Bunu Moderator.az-a açıqlamasıdna politoloq Qabil Hüseynli bildirib. Ekspert qeyd edib ki, Ermənistan aldığı silahlara böyük ümidlər bəsləsə də, bu silahlar onun uğurunu təmin etməyəcək:

“Ciddi maliyyə-iqtisadi problemlər içərisində olan Ermənistan sürətlə silahlanmağa həvəs göstərməklə yeni bir qarşıdurmada uğur qazanacağına ümid edir. Lakin bütün bu ümidlər əbəsdir. Ermənistanın aldığı silahlar ona kömək etməyəcək. Çünki Ermənistan Azərbaycana bütün parametrlər üzrə uduzur. Ermənistanın Azərbaycandan geriliyi böyükdür və bu geriliyi xaricdən alınan bu silah-sursatla ortadan qaldırmaq mümkün deyil.

Əgər Ermənistan yeni bir təxribata əl atarsa, bunun nəticəsi onun üçün faciəvi olacaq. 44 günlük Vətən müharibəsi bunun ən böyük isbatıdır və Ermənistan bu tarixi dərsdən nəticə çıxarmalıdır”.

Seymur ƏLİYEV