Rusiyada Azərbaycan vətəndaşlarının dəhşətli şəkildə qətlə yetirilməsi təkcə bir cinayət deyil, etnik nifrət və sistemli laqeydliyin nəticəsidir. Bu qanlı hadisə, Rusiyada azərbaycanlılara qarşı artan zorakılıq və irqi ayrı-seçkiliyin yeni bir nümunəsidir. Həmyerlilərimizin vəhşicəsinə qətlə yetirilməsi təkcə təcavüzkar bir cinayət deyil - bu, irqi nifrətin dövlət qayğısızlığı ilə birləşərək qanlı zorakılığa çevrilməsinin nümunəsidir.
Rusiya qanunlarının və məhkəmə sisteminin milliyyətcə motivləşdirilmiş cinayətlərə qarşı qeyri-adekvat reaksiya verdiyini, polis və istintaq orqanlarının azərbaycanlıların, xüsusən Qafqaz mənşəli insanların öldürülməsi hallarında qəsdən səssiz qaldıqlarını çox zaman şahidi olmuşuq. Rusiya mediya məkanı çox zaman azərbaycanlıları və digər Qafqaz xalqlarını “ kriminal “ , “ işğalçı “ və ya “ mədəniyyətsiz “ kimi təqdim edərək ictimai rəyi zəhərləyir.
Azərbaycan xalqı bu və digər oxşar hadisələrə həssas reaksiya verir. Dövlət səviyyəsində artıq müəyyən tədbirlərə start verildiyini də görürük. Rusiyada yaşayan yüz minlərlə azərbaycanlı təhlükəsizlik və ədalət gözləyir , lakin onların hüquqları sistematik şəkildə pozulur.
Azərbaycan hökuməti bu və digər hallara qarşı daha sərt və açıq diplomatik addımlar atmalıdır. Rusiya rəsmilərinə rəsmi etiraz notaları verilməli və təhqirlə bağlı BMT və digər beynəlxalq qurumlara müraciət edilməlidir. İstintaqa Azərbaycan nümayəndələrinin qatılması tələb olunmalıdır. Rusiyadakı azərbaycanlıların hüquqlarının qorunması üçün xüsusi konsulluq xidmətləri genişləndirilməlidir. Əgər Rusiya tərəfi ədaləti təmin etməsə, ekonomik və siyasi sanksiyaların gündəmə gətirilməsi müzakirə edilməlidir.
Düşünürəm ki, bu kimi hadisələrdə sükut etirazın forması ola bilməz!
#SəfərovlarAiləsi #AzərbaycanEtirazEdir #RusiyaCinayəti #DiplomatikCavab
