Ömrünü, gününü Vətənin və Vətən övladlarının yolunda şam kimi əridən, hərəyə bir dəfə verilən ömür payını özü üçün yox, milləti üçün yaşayanlar, həyatın mənasını yaratmaqda və yanmaqda görən insanlar, bizə adını ucaltdığınız, ucalığına adınızı yazdığınız Azərbaycanımızla öyünmək haqqı verdiyiniz üçün qarşınızda baş əyirik! Haqqınızı halal edin!
Vətənimizin, Dövlətimizin və millətimizin tərəqqisi üçün bacardığını əsirgəməyənləri tanımaq, tanıtmaq lazımdır. Şərqdə ilk demokratik Respublikanın - Azərbaycan Xalq Cümhuriyyətinin fədailəri... Məhəmməd Əmin Rəsulzadə, Fətəli Xan Xoyski, Əlimərdan bəy Topçubaşov, Nəsib bəy Yusifbəyli, Həsən bəy Ağayev, Məhəmməd Həsən Hacinski, Məmməd Yusif Cəfərov, Behbud Xan Cavanşir, Xosrov bəy Sultanov, Aslan bəy Səfikürdski, Səməd bəy Mehmandarov, Mustafa bəy Vəkilov, Xudadat bəy Rəfibəyli, Xəlil bəy Xasməmmədov, Əbdüləziz bəy Əmircanov, Əhməd bəy Pepinov, Zivər bəy Əhmədbəyov, Əhməd Ağaoğlu, Yusif Vəzir Çəmənzəminli....
Azərbaycanın layiqli övladlarını tanımağa, tanıtmağa, yaxşı əməllərini yaşatmağa borcluyuq. Onlar maarifçilik, azərbaycançılıq , bəşərilik, milli siyasət, milli dövlət ideyalarının rüşeymlərini və ilk modelini yaratdılar. Özü də heçdən yaratdılar. Bu tarixin qürur doğuran səhifələridir. Biz bu səhifələri nəzərdən keçirdikcə, müstəqil ölkənin vətəndaşı kimi kimlərin mənəvi varis olduğunu dərk etməliyik. Yaxşı olan hər şeyi yaşatmaq ibrət dərslərindən isə nəticə çıxarmaq üçün... yoxsa sabaha yolumuz ağrılı və çətin olar.
Böyük bir həqiqətin kiçik bir damlası...
*Həqiqətən, bu hadisə bütün Şərq aləmində, türk dünyasında yeni, demokratik prinsiplərə söykənən bir dövlətin yarandığını göstərirdi. Rusiya əsarətində yaşayan türk xalqları içərisində Azadlıq bayrağını ilk dalğalandıran və müstəqil yaşamaq haqqını dünyaya tanıtdıran Azərbaycan oldu.
Azərbaycan Cümhuriyyətinin qurucuları yüksək istedadlı, vətəni və milləti sevən,onun mənafeyini hər istəkdən üstün tutan şəxsiyyətlər idi.
Sən bizimsən, bizimsən durduqca bədəndə can,
Yaşa, yaşa, çox yaşa,
ey Şanlı Azərbaycan!
"BİR KƏRƏ YÜKSƏLƏN BAYRAQ BİR DAHA ENMƏZ!"
Almaz Yaşar
"AYMEDİACOMPANY.AZ"
