Sumqayıt Dövlət Dram Teatrında Hafiz Ataxanlının Nizami Gəncəvi yaradıcılığı konseptində qələmə aldığı, Xalq artisti Firudin Məhərrəmovun quruluş verdiyi "Xəzinə" pritçası göstərilib.
Xeyir və şər mübarizəsi, zəka və sərvət qütbləri kontekstində dramaturji konflikt tamaşanın süjet xəttini təşkil edir.
Qeyd edək ki, tamaşada Məcnun rolunu Mədəniyyət və İncəsənət Universitetinin sonuncu kurs tələbəsi Emil Həmidov diplom işi olaraq oynayır.
Bu səbəbdən Mədəniyyət və İncəsənət Universitetinin diplom tamaşaları üzrə komissiyanın sədri, Xalq artisti Cəfər Namiq Kamal, universitetin "Sabah" mərkəzinin rəhbəri, əməkdar artist Nofəl Vəliyev də tamaşaya baxıblar.
Tamaşanın quruluşçu rəssamı Elşən Sərxanoğlu, icraçı rəssamları Nizami Dadaşov, Arif Müzəffərovdur. Musiqi tərtibatı sənətşünaslıq üzrə fəlsəfə doktoru Telman Qəniyevə, rəqslərin quruluşu Vüsal Mehrəliyevə məxsusdur.
Tamaşadan sonra görkəmli sənətkarlar aktyorlarla görüşüb, bu tamaşanın həm müəllif, həm rejissor işindən, həm də mükəmməl aktyor oyunundan razı qaldıqlarını bildiriblər.
"AYMEDİACOMPANY.AZ"
