Hər ilin bu günü ölkədə və dünyada "Gənclər Günü" kimi qeyd olunur. 1997-ci ildə Heydər Əliyevin "2 fevral - Azərbaycan Gəncləri gününün elan edilməsi haqqında" Sərəncamı nəinki gənclərin, eləcə də bütün ölkə vətəndaşlarının sevincinə şərik olmuşdur.
Bu gün nə qədər çətinliklər olsa da Azərbaycanda həm mənəvi, həm də fiziki cəhətdən sağlam gənclər yetişir. Onlar elm, mədəniyyət, səhiyyə, sənaye və digər sahələrdə uğurlu nailiyyətlər əldə edir, mötəbər idman yarışlarında, olimpiya oyunlarında ölkəmizin şərəfini qoruyaraq Azərbaycan Bayrağını yüksəklərə qaldırırlar. Onlar üçün dövlət proqramları qəbul edilir. Mən çox istərdim ki, gənclər öz gələcəyini layiqincə, qayğı və diqqət içərisində yaşasın. Onları narahat edən problemlər öz müsbət həllini tapsın. Aidiyyəti qurumlarda süründürülməsin, əksinə sevgi və qayğı ilə qarşılanıb dinlənilsin.
Ölkəmiz inkişaf etsin və ölkə gəncləri arzuladığı həyata qovuşsun. Bizim gənclik güclü və dözümlüdür. Bizim gənclik uğurlara və sevgiyə layiqdir. Onlara dəstək olmaq cəmiyyətin və dövlətin borcudur.
Biz də "AY MEDİA COMPANY" bütün kollektivi adından ölkə gənclərinə sağlam, faydalı və firəvan həyat arzulayır, gələcəklərinin parlaq və uğurlu olmasını diləyirik. Hər biri Vətənə, xalqa və dövlətə layiqli gənc olsun. Uğurlar sizlərə əziz gənclik!
Çünki sağlam Gənclik, sağlam Gələcək deməkdir.
Gənclər gününüz mübarək, əziz gənclər!
"AY MEDİA COMPANY"
