Pakistanın Dera İsmayıl Xan rayonunda (Xayber Paxtunxva əyaləti) baş verən yol qəzasında azı 14 nəfər ölüb, 35 nəfər yaralanıb.
Bu barədə çərşənbə axşamı UrduPoint qəzeti məlumat yayıb .
Məlumata görə, insident rayonun şimal hissəsindəki Darazinda qəsəbəsi yaxınlığındakı Dera-Cob şəhərlərarası avtomobil yolunda baş verib, yük maşını qoşqulu traktora çırpılıb və içərisində təxminən 50 nəfər olub. Qəza nəticəsində 10 nəfər yerindəcə dünyasını dəyişib.
Zərərçəkənlərin hamısı yaxınlıqdakı xəstəxanaya çatdırılıb, əksəriyyətinin vəziyyəti ağırdır. Nəşrin məlumatına görə, 4 nəfər əvvəlki xəsarətlərdən xəstəxanada keçinib.
