Xəbər verdiyimiz kimi, Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətindədən Azərbaycan Ordusunun Laçın rayonu istiqamətində yerləşən üzbəüz mövqelərini atıcı silahlardan intensiv atəşə tutub.

Düşmən təxribatı nəticə verməyib, onlar itkilər verərək susdurulub.

Belə ki, Ermənistanın Müdafiə Nazirliyi itkilərinin olduğunu açıqlayıb: "İlkin məlumata görə, erməni tərəfinin itkiləri və yaralıları var".

Erməni KİV-in məlumatına görə, atışma nəticəsində erməni tərəfi 3 itki verib, çoxlu sayda yaralı var: "Hazırda əməliyyat olunan yaralılar arasında Əlahiddə Ümumqoşun Korpusunun komandiri Armen Gyozalyan da var".