Xəbər verdiyimiz kimi, Yevlax Rayon Mərkəzi Xəstəxanasının şöbə müdiri Bəyaz Cabbarovun yaşadığı evdə öldürülməsi ilə bağlı tutulanlar var.

“Qafqazinfo” qətli törədən şəxslərin kimliyi ilə bağlı məlumat əldə edib.

Məlumata görə, onu 3 nəfər birləşərək qətlə yetiriblər. Həmin şəxslər 30 yaşlı Daşqın Xəlilov, 18 yaşlı Fəxri Allahverdiyev və 17 yaşlı R.M. - dir.

Əldə etdiyimiz məlumata görə, təqsirləndirilən şəxslərdən ikisi - D.Xəlilov və R.M. artıq tutulub. F.Allahverdiyevin axtarışları isə davam etdirir.

Qeyd edək ki, faktla bağlı Yevlax Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.