Dekabrıın 14-də Yeni Azərbaycan Partiyasının Nərimanov rayonu təşkilatının inzibati binasında Milli Qəhrəman Əliyar Əliyevin Anım Günü keçirildi.Tədbirdə Nərimanov rayonu YAP təşkilatının sədri Samir Vəliyev, millət vəkili Rasim Musabəyov, "Milli Qəhrəmanların Tanıtma" İctimai Birliyinin Nərimanov rayonu təşkilatının sədri Ədhəm Məmmədov, Əliyar Əliyevin yadigarı Pərvanə Əliyeva, Vətən Müharibəsi qaziləri, ŞƏHİD ailələri və digər qonaqlar iştirak edirdilər.
Anım mərasiminin aparıcısı "Vətən Qəhrəmanları" cəmiyyətinin sədri Nərmin Səfərova Şəhidlərin xatirəsini bir dəqiqəlik sükutu elan etdikdən sonra Milli Qəhrəmanın keçdiyi şərəfli döyüş yolu haqda sənədli videoçarx göstərildi. Daha sonra söz YAP-ın Nərimanov rayonu təşkilatının sədri Samir Vəliyevə verildi. O, 44 günlük Vətən Müharibəsi nəticəsində torpaqlarımızın azad olunmasını Əliyar Əliyevin müqqədəs arzusunun 30 ildən sonra həyata keçməsi kimi qiymətləndirdi. Millət vəkili Rasim Musabəyov isə 35 illik Qarabağ münaqişəsinin bu ilki antiterror əməliyyatından sonra bitdiyini deyərək Əliyar Əliyev kimi qəhrəmanlarımızın qanlarının yerdə qalmadığını qeyd etdi. Daha sonra Əliyarın qızı Pərvanə xanım atasını xatırlayarkən onun son dərəcə ciddi və eyni zamanda nəcib insan olmağından bəhs etdi. Anma mərasimində iştirak edən qonaqlar Əliyar Əliyev kimi Vətən yolunda canlarını fəda etmiş igidlərin gənc nəslin milli ruhda yetişməsində müstəsna rol oynamasını xüsusi vurğuladılar.

Rüstəm Rüstəmov
"AYMEDİACOMPANY.AZ"