Bu saydakı müsahibim ölkəmizin çox dəyərli elm xadimlərindən Qurbanov Firudin Əliağa oğlu 1954-cu il fevral ayının 10-Bakı şəhərində anadan olmuşdur. Ədəbiyyatşünas, dramaturq, filologiya üzrə fəlsəfə doktoru (1990), dosent. Azərbaycan Dövlət Pedaqoji İnstitutunu bitirmişdir (1977). Azərbaycan Milli Konservatoriyasında kafedra müdiri vəzifəsində çalışır. 100-dən artıq elmi məqalənin müəllifi, beynəlxalq konfrans və simpoziumların iştirakçısıdır. Azərbaycan elminə misilsiz xidmətləri olan Firudin müəllim
Qədim Babil, Fars və Elam ölü dillərini müstəqil öyrənmiş, bu dillərdəki tarixi sənədləri orijinaldan dilimizə tərcümə etmişdir. Bədii yaradıcılıqla da məşğul olur. Pyesləri respublika teatrlarında tamaşaya qoyulmuş, ssenariləri əsasında sənədli filmlər çəkilmişdir. Həm televiziya həm teatr sahəsində də çalışmışdır. Muğam teatrında tamaşaya qoyulmuş S.Ə.Şirvaninin həyatına həsr olunan “Cənnətin astanasında” pyesinin, Lider TV-nin çəkdiyi və S.Ə.Şirvaninin həyat və yaradıcılığına həsr olunan “Aləmdə qalan səs” və dahi şair M.Ə.Sabirdən bəhs edən “Səbrli adamın fəryadı” sənədli filmlərinin ssenari müəllifidir.
Mikayıl Müşfiq və Cəfər Cabbarlı mükafatları laureatıdır. Firudin Qurbansoyun "Ulduz elmi və Orta əsrlər Azərbaycan ədəbiyyatı" adlı monoqrafiyası bu mövzuda yazılmış ilk əsərdir. Əsərdə ulduz elminə dair müəllifdən geniş məlumat verilir, onun tədqiqat sahələrinin özünəməxsusluğu araşdırılır.
Əsrlərdən bəri Ulduz elminin həm nəzəri, həm də təcrübi sahələri son illərdə inkişaf edib ki, Firudin Qurbansoyun da bunda əməyi danılmazdır. Firudin müəllimin kitabları oxucularının kitab rəfini bəzəyən ən dəyərli əsərlərdir. Adətən müsahibə aldığımız şəxsiyyətlərin daha çox həyat xronologiyası haqqında tarixlərlə məlumat versək də, müsahibim elə şəxsiyyətdir ki, onun daha çox bir ziyalı tərəfini siz oxucularımıza çatdırmaq istəyirəm. Müsahibə aldığım şəxs öz müəllimim, ustadım olduğundan onu deyə bilərəm ki, Firudin müəllim sözün əsl mənasında, vicdanlı, qərəzsiz, imanlı, əsası kişi və təmiz adamdır. Haqqında dərs dediyi tələbələrinə sual verdikdə mən deyərdim ki, hamısı bu dəyərli elm adamından təhsil almağı, nələrisə öyrənməyi qürurla danışırlar. Təmənnasız insan olmaq hərkəsə nəsib olan böyük mənəvi keyfiyyət deyil. Hərkəsə məlumdur ki, ali təhsil ocaqlarında tələbələr bəzən elə mövzular və dərslər var ki, soyuq yanaşır, əsasən öz ixtisasları üzrə elmlərə daha çox maraq göstərirlər. Ancaq özümün də təhsil aldığım Azərbaycan Milli Konservatoriyasında Firudin müəllimdən dərs aldığım illəri xatırlıyıram, sinif otağında bütün tələbələr Firudin müəllimin dərsinə qatılır, otağa möhtəşəm bir səssizlik çökür, tələbələr onu-içi özüm qarışıq çox diqqətlə dinləyirdik. Mənəvi kasıblıq çəkən gənc tələbələri də öz natiq danışığı ilə ələ ala bilən üstün elmi, mimikaları, sözünün kəsəri və əsası, dərin öyrətmək bacarığı və insana ötürdüyü yüksək müsbət enerjisi ilə elə cəlb edirdi ki, belə səssizlik həyatımızın heç bir yerində qarşımıza çıxmayıb. Hərkəsin tam diqqətlə fikri bu şəxsiyyətin danışdığı mövzulara köklənməklə ondan nələrsə öyrənməklə keçirdi. Firudin müəllim şəxsiyyəti ilə elmi ahənglik təşkil edən ziyalılarımızdandır ki, ona insanların bir elm adamı, ziyalı kimi qoyduğu hörmət də məhz belə yüksək insani və elmi keyfiyyətlərindən irəli gəlir. Firudin müəllim “Ziyalı” adının məmləkətimizdə ən nümunə göstəriləcək şəxsiyyətlərindəndir. Ona görə ki, hərkəs təmənnasız insan ola bilmir. Böyük məharət bu qədər elmə sahib olmaqdan əlavə təmənnasız insan ünvanına da sahib olmaqdır. Bu əzmi, bu keyfiyyətə xas əməlləri hərkəs bacarmır. Biz də Firudin müəllimə bir ziyalı elm adamı kimi Azərbaycan elminə göstərdiyi misilsiz xidmətlərindən dolayı öz minnətdarlığımızı bildiriririk. Firudin müəllim, siz yüz yaşayın, yaşayın ki, yaradasınız, yaşayın ki, bu cəmiyyət, insanlar sizin həm insanlığınızdan, həm elminizdən bəhrələnsin, yaşayın ki, biz tələbələrinizin və elm aşiqlərinin yoluna işıq saçasınız..
Fərid Əmiraslanov
"AYMEDİACOMPANY.AZ"
