30 iyul 2024-cü il tarixində Türkiyənin Ədalət nazirliyinin İstanbuldakı Ord. Pof. Dr. Sülhi Dönməzlər adına Təhsil Mərkəzində AMEA Fəlsəfə və Sosiologiya İnstitutunun aparıcı elmi işçisi, fəlsəfə üzrə fəlsəfə doktoru, dosent Faiq Ələkbərli “Türk dünyası açısından Azərbaycan Türkiyə əlaqələri ” mövzusunda konfrans verib. F.Ələkbərli çıxışında bildirib ki, Türk Dünyasının aparıcı dövlətləri olan Azərbaycan və Türkiyənin siyasi, iqtisadi, mədəni, hərbi sahələrdə atdığı birgə addımlar digər Türk ölkələri üçün çox mühümdür. Onun sözlərinə görə, Türk dövlətlərinin artıq ortaq əlifba, ortaq dil, ortaq hərbi birlik və digər sahələrdə gerçək addımlar atması lazımdır. Azərbaycan alimi bununla bağlı ortada olan problemlərə toxunaraq həll yollarını da göstərmişdir.
