"Azərbaycan Vətənpərvərlər” İctimai Birliyinin II qurultayı keçirildi.

Oktyabrın 4-də Binəqədi rayonunun mədəniyyət evində "Azərbaycan Vətənpərvərlər” İctimai Birliyinin qurultayı keçirildi. Tədbirdə Qarabağ cəngində həlak olan şəhidlərin xatirəsi bir diqiqəlik sükutla yad edilərək Dövlət Himni oxundu. Daha sonra, 30-a yaxın rayon nümayəndəliyi və 4 min üzvü olan birliyin sədri Elvin Mahmudzadə çıxış etdi. O birliyin son illərdəki fəaliyyətindən danışaraq hal-hazırda səhhətində yaranmış problemlərə görə tutduğu vəzifədən istefa vermək zərurəti yarandığını dedi və yeni sədrin seçilməsini təklif etdi.Təklif qəbul olunaraq 3 nəfərin bu vəzifəyə namizədliyi irəli sürüldü. Namizədlər səsə qoyuldu. Seçkidə qurultaya toplananların əksər çoxluğunun səsiylə İctimai Birliyin Sumqayıt şöbəsinin rəhbəri Mahir Natiq oğlu Məmmədov Birliyin sədri seçildi. Daha sonra təşkilatın yeni təyin olunmuş sədr müavinləri, Birliyin üzvü olan hər iki Vətən Müharibəsinin veteranları, dəvətli qonaqlar çıxış edərək Birliyin fəaliyyəti haqqında öz ürək sözlərini dedilər. Qurultayda qazi Yaşar Novruzlu “Azərbaycan Vətənpərvərlər” İctimai Birliyinin Xaçmaz rayon şöbəsinin yeni rəhbəri təyin edildi. Sonda "Azərbaycan Vətənpərvərlər” İctimai Birliyinin yeni üzvlərinə vəsiqələr verildi, fəaliyyətlərində fərqlənən qurultay iştirakçıları Birliyin Fəxri Fərmanları ilə mükafatlandırıldı.

Rüstəm Rüstəmov
AYMEDİACOMPANY.AZ





















Просмотров: 250
Обнаружили ошибку или мёртвую ссылку?

Выделите проблемный фрагмент мышкой и нажмите CTRL+ENTER.
В появившемся окне опишите проблему и отправьте Администрации ресурса.

Şərh yaz

Kodu daxil edin:*
yenilə, əgər kod görünmürsə

Ay Media Company

Təsisçi və baş redaktor: Almaz Yaşar

Tel: (+99470) 250 22 52

[email protected]