Abşeron rayonu, Xırdalan şəhərində “Xüsusi Təyinatlıların Qaziləri, Şəhid Ailələri və Veteranları” İctimai Birliyi şəhid ailə üzvü, Qazilər, Vətən Müharibəsi İştirakçıları, media nümayəndələrinin iştirakı ilə tədbir keçirtdi.
Tədbir Azərbaycanın Dövlət Himninin sədaları altında başladı. Sonra isə torpaqlarımızın azad olunması uğrunda şəhidlik zirvəsinə ucalanların  əziz xatirəsi bir dəqiqəlik sükütla yad edildi. 
Daha sonra “Xüsusi Təyinatlıların Qaziləri, Şəhid Ailələri və Veteranları” İctimai Birliyinin sədri Bəhruz Məmmədzadə tədbirdə çıxış edərək birliyin fəaliyyətindən, gördüyü işlərdən söhbət açaraq qeyd etdi ki: -“ Abşeron rayon icra hakimiyyəti burada yaşayan qazilərimizin və şəhid ailələrimizin qayğıları ilə daima maraqlanır. “Xüsusi Təyinatların Qaziləri, Şəhid Ailələri və Veteranları” ictimai birliyi bir ailə kimidir. Daima bir-birimizdən xəbər tutur, görüşlər təşkil edirik. Bu gün bura yığışmağımızın səbəbi birliyimizin Abşeron rayonu üzrə sədri Süleyman Cəfərovun müavini vəzifəsinə yeni təyinatla bağlıdır və Qazimiz Vidadi Əliyev sədr müavini vəzifəsinə təyin olunub.  
Haşiyə:
Əliyev Vidadi Rizvan oğlu 17.07.1984 - cü il Ağdam rayonunun Papravənd kəndində anadan olub.
Hərbi fəaliyyəti: "Bakı Həmləsi" əməliyyat taboru baş çavuş, döyüş maşın komandiri;
2003 - 2005-ci illər - Milli Qvardiya fəxri qaravul dəstəsi, taqım komandir müavini;
2006 - 2008-ci illər - Qaraheybət təlim-tədris mərkəzi, taqım komandir müavini;
2008-2016-cı illər- 190 saylı hərbi hissə taqım komandir müavini;
2016-2019-cu illər-651saylı hərbi hissə -motaatıcı bölük manqa komandiri;
2020-2021-ci illər "Bakı Həmləsi" döyüş maşın komandiri vəzifələrində xidmət etmişdir.
03.10.2020-ci ildə Xocəvənd uğrunda gedən döyüşlərdə yaralanıb.

Sonra söz Vətən müharibəsi Şəhidi Elçin Həsənlinin anası Xatirə xanıma verildi. Xatirə ana oğlunun könüllü olaraq səfərbərlik sıralarına yazılmağından, igidliyindən qürurla bəhs etdi, oğlu ilə fəxr etdiyini söylədi. Sonda Qazi Vidadi Əliyevi yeni təyinatla bağlı təbrik etdi.

"Xüsusi Təyinatlıların Qaziləri, Şəhid Ailələri və Veteranları İB-nin Abşeron rayon sədri Süleyman Cəfərov öz çıxışında Vidadi Əliyevi yeni təyinatla bağlı təbrik edib, onunla birgə çiyin - çiyinə işləməkdən qürur duyduğunu söylədi. Süleyman Cəfərov bütün kollektivə işlərində uğurlar arzuladı.

"Dəmir Yumuruq Alfa-A” Cəmiyyətinin sədri Ülviyyə Əsədova Vidadi Əliyevi yeni seçildiyi vəzifəyə görə təbrik etdi və cəmiyyət adından ona təşəkkürnamə təqdim etdi. Ülviyyə xanım öz çıxışında Vətən savaşı zamanı Şəhidlərimizin igidliyindən, Qazilərimizin qəhrəmanlığından, dövlət-ordu-xalq birliyindən söz açdı.

Vətən müharibəsinin ilk günlərindən ön cəbhədə vuruşan Qazi Vidadi Əliyev bu gün onun yanında olan hər kəsə öz təşəkkürünü bildirdi. Bu gün “Xüsusi Təyinatlıların Qaziləri, Şəhid Ailələri və Veteranları” İctimai Birliyinin sədri Bəhruz Məmmədzadənin mənə etimad göstərdiyi üçün təşəkkür edirəm. Çalışacam ki, etimadı doğruldum, bu işin öhdəsindən layiqincə gəlim."          
Sonra çay masası ətrafında söhbət davam etdirildi, xatirə şəkillər çəkildi. 

Vətənin müdafiəsi uğrunda döyüşlərə qatılıb, savaşdan sağ çıxan hər kəs qazidir. Bütün Qazilərimizə sağlam ömür arzulayırıq! Allah Sizləri qorusun!