İstedad nədir, insanlar uzun müddət təəccüblənirlər. Bəziləri bunu Allahdan bir hədiyyə olaraq görür və kimsə bir-birinin ardınca çalışdıqları və özü üzərində işlədiyi üçün istedadlı olduğunu görür. Həyatda böyük uğurların sirri istedad və zəhmət vəhdətindədir. Sizlərə təqdim etmək istədiyimiz bu balaca qızın qazandığı nailiyyətlərin önündə kiçik yaşlarından əzmkarlığın dayandığını demək olar. Rənglərin sehrinə düşdüyündəndir ki, hələ kiçik yaşlarından könlünə yatan, diqqətini çəkən, onu düşündürən hadisələri rənglər dünyasına köçürüb. Gəlin balaca rəssamı yaxından tanıyaq.
Abdurəhimli Xanım Sahib qızı 23 mart 2007-ci ildə Şəki şəhərində anadan olub.
Şəki şəhəri 18 saylı tam orta məktəbin 8-ci sinif şagirdidir. Hələ bağça yaşlarında olarkən şənliklərin və tədbirlərin aparıcısı kimi çıxış edirdi. Valideynləri Xanımın qeyri-adi istedada malik olduğunu kiçik yaşlarından hiss etmişdilər. Bu onda İlahi vergi Allahın verdiyi qeyri-adi istedaddır.
2013-cü ildə 18 saylı tam orta məktəbin birinci sinfinə getmiş və məktəbin vətənpərvərlik mövzusunda keçirilən tədbirlərində şeirlər ifa etmişdir. Xanımın atası keçmiş ehtiyatda olan zabit və anası Kəmalə Abdurəhimovanın ibtidai sinif müəlliməsidir. Şəki şəhər Gənclər və idman idarəsi tərəfindən 2016-cı ildə Şəhər və kənd bədii özfəaliyyət kollektivlərinə Novruz təranələri devizi altında keçirilən baxış müsabiqəsində (folklor üzrə) şeir müsabiqəsində yer tutmuşdur.
Daha sonra Əsgərə xatirə kitabı layihəsində vətənpərvərlik haqqında mövzuda şeir dediyi üçün Müdafiə Nazirliyinin 706 saylı hərbi hissə komandanlığının hərbi hissə komandiri polkovnik Nemət Məmmədov tərəfindən təşəkkür məktubu ünvanlanmışdır.
Həmçinin Respublika Uşaq İstirahət və Sağlamlıq Mərkəzi fəal iştirakına görə diplomla təltif olunmuşdur.
O cümlədən Abdurəhimli Xanım 18 nömrəli tam orta məktəbdə keçirilən “Salamladıq Novruzu” adlı tədbirdə şeir demə qabiliyyətinə, Milli geyimdə Milli rəqs etdiyinə görə diplomla təltif olunmuşdur.
2018-ci ildə 18 nömrəli tam orta məktəbdə keçirilən, dərslərini əla oxuduğuna görə iki diplomla təltif olunmuşdur.
2021-ci ildə Gənclərin İnkişaf və Koryera mərkəzinin, Şəki nümayəndəliyi tərəfindən Xocalı faciəsinə aid çəkdiyi rəsm müsabiqəsində birincilik qazanmış, Sertifikat almışdır.
Xanımın müəllimi Sahib Əhmədovdur. Biz də öz növbəmizdə istedadlı şagirdimizi təbrik edib ona çəkdiyi rəsm əsərlərində uğurlar arzulayırıq.