Rusiya sülhməramlılarının komandanı Rüstəm Muradov Qarabağdakı separatçı-terrorçular tərəfindən girov götürülən, psixiatrik xəstəxanadan qaçan azərbaycanlı hərbçi Cəmil Babayevi ziyarət edib.
Bu məlumatı “Sputnik Ermənistan” yayıb. Ziyarət zamanı Muradov Babayevin səhhəti və saxlanma şəraiti ilə maraqlanıb.
Agentlik Babayevin xahişi əsasında ona yaxınları ilə əlaqə qurmaq imkanının yaradılacağını bildirib.
Qeyd edək ki, Babayev avqustun 25-də Rusiya sülhməramlılarının məsuliyyət zonasında olan Ağdərə ərazisində saxlanılıb. Azərbaycan isə sonradan Babayevin Gəncədəki psixiatrik xəstəxanadan qaçaraq, Qarabağa gəldiyini açıqlayıb.
C.Babayev haqda cinayət işi açılıb.
