2 sentyabr 1633-cü ildə böyük İstanbul yanğını baş verdi. Yanğın nəticəsində 20 mindən çox bina kül oldu.
1642-ci ilin bu günü İngilis parlamenti teatrı qadağan edir.
2 sentyabr 1666-cı ildə böyük London yanğını başladı və 3 gün davam etdi. Yanğın nəticəsində 13 min 200 ev və 87 kilsəyə ziyan dəydi.
1781-ci ilin 2 sentiyabrında Los-Anceles şəhərinin əsası qoyulub. Los-Anceles ABŞ-ın Kaliforniya ştatında yerləşən və əhalinin sayına görə ölkənin ikinci, ştatın isə birinci şəhəridir. Ərazisi 1302 kvadratkilometr olan şəhər, eyni zamanda, Los-Anceles dairəsinin mərkəzidir. İspan dilində “Los-Anceles” sözünün tərcüməsi mələklər deməkdir. Şəhərin əsl adı “El pueblo de nuestra senora la reina de los angeles de porciuncula”dır. Bu, ən uzun şəhər adı hesab edilir.
1829-cu ilin 2 sentiyabrında Rusiya ilə Osmanlı dövləti arasında növbəti müharibənin yekunlarına dair Ədirnə müqaviləsi imzalanıb (1828-1829). Müqaviləyə əsasən, Osmanlı dövləti Ahalsıx padşahlığının (Ahıska türklərinin yaşadığı ərazi - indiki Gürcüstanın Samtsxe-Cavaxeti bölgəsi) bir hissəsini Rusiyaya güzəştə gedib və həmin əraziyə cənub-şərqi Anadoludan erməni əhalisinin köçürülməsinə razılıq verib. Köçürülən ermənilər sonradan Ahalsıx bölgəsi ilə yanaşı, Tiflis, İrəvan və Naxçıvan bölgələrində də yerləşdirilib. Bundan əlavə, Osmanlı dövləti Rusiyanın İranla apardığı müharibənin (1826-1828) yekunlarını, o cümlədən Naxçıvan və İrəvan xanlıqlarının Rusiyaya birləşdirilməsini rəsmən tanıyıb.
1922-ci ilin bu günü Ford zavodlarında işə sərxoş gəlmək qadağan edilir.
1935-ci ilin 2 sentyabr tarixində ABŞ-ın Florida ştatında öz təsirini göstərən qasırğada 423 nəfər həlak oldu.
2 sentyabr 1938-ci ildə Hatay Millət məclisi açıldı və Hatay dövlətinin qurulduğu elan edildi. Tayfur Sökmən cümhurbaşqanı seçildi.
2 sentyabr 1942-ci il tarixində alman hərbi dəstələri Varşava Gettosu üsyanının qisasısını 50 min yəhudini qətlə yetirərək aldı.
1945-ci ilin bu günü İkinci Dünya müharibəsi başa çatıb. Demək olar ki, bütün dövlətləri əhatə edən müharibə nəticəsində milyonlarla insan həlak olub. Müharibə 1945-ci ildə antihitler koalisiyasının qələbəsi ilə başa çatıb. Həmin ildə beynəlxalq əməkdaşlıq qurmaq və növbəti toqquşmalara imkan verməmək məqsədilə BMT yaradılıb.
1965-ci ilin bu günü İnternetin əcdadı olan Arpanet meydana çıxır.
1968-ci ilin 2 sentyabr günü İranda baş verən zəlzələ nəticəsində 11 min nəfər öldü.
1973-cü il sentaybrın 2-də “Üzüklərin əfəndisi” serialı ilə dünya miqyasında şöhrət tapan ingilis yazıcı J.R.R Tolkien 81 yaşında öldü.
1985-ci ilin bu günü “Titanik” gəmisinin qalıqları Atlantik okeanın 3 min 750 metr dərinliyində, Nyufaundlend adası yaxınlığında aşkar edilib. Gəmini amerikalı tədqiqatçı Robert Ballardın rəhbərlik etdiyi ekspedisiya tapıb. Suyun dibindən çıxarılan minlərlə qalıq UNESCO-nun sualtı mədəni mirasın qorunması üzrə Konvensiyasının himayəsinə verilib. “Titanik”in Atlantik okeanda aysberqlə toqquşaraq batması nəticəsində göyərtədəki 2 min 224 sərnişin və ekipaj üzvündən 1513 nəfər həlak olub.
1991-ci ilin 2 sentiyabrında Separatçı Dağlıq Qarabağ muxtar vilayəti Azərbaycan SSR-in tərkibindən çıxdığını bəyan edir.
2 sentyabr 1998-ci ildə İsveçrə hava yollarına məxsus sərnişin təyyarəsi Atlantik okeanına düşdü, 229 nəfər həyatını itirdi.
2 sentyabr 2011-ci ildə Türkiyə BMT-nin Mavi Mərmərə hesabatını açıqlaması qarşısında İsrailə 5 maddədən ibarət sanksiya tətbiq etmə qərarı aldı.
