11 sentyabr 1795-ci ildə Tiflis yaxınlığında gürcü çarı II İraklinin qoşunları ilə İran şahı Ağa Məhəmməd Qacarın qoşunları arasında döyüş olub. Qacarın qoşunları gürcüləri məğlub edərək Tiflisi ələ keçirib. Bir il sonra II İrakli Rusiya imperiyası ilə müqavilə bağladı və Kartli-Kaxetiya çarlığı Rusiyanın himayəsinə keçdi.

11 sentiyabr 1851-ci ildə məşhur pedaqoq, naşir və türkoloq İsmayıl Qaspıralı anadan olub.

11 sentiyabr 1853-cü ildə ilk dəfə teleqraf xətti işləmişdir.

11 sentyabr 1855-ci ildə Krım müharibəsində İngilis-Fransız və Osmanlı qüvvələri Sevastopolu ələ keçirdi.

11 sentiyabr 1888-ci ildə Torontodakı sənaye sərgisində ilk dəfə olaraq təkrar edilmək üçün insan səsi yazılmışdır.

11 sentiyabr 1914-cü ildə Rusiya Ordusu Avstriya-Macarıstan üzərində qələbə çalır.

11 sentiyabr 1937-ci il dünya şöhrətli Rusiya müğənnisi İosif Kobzonun doğum günüdür. Lirik-dramatik bariton səsə malik müğənninin repertuarında Böyük Vətən Müharibəsinə həsr olunmuş bir çox mahnılar, opera və ariyalar da daxil olmaqla, üç mindən çox mahnı var.

1941-ci ilin 11 sentyabr tarixində Van gölü və ətrafında baş verən zəlzələdə 194 nəfər həlak oldu, 36 kənd tamamilə dağıldı.

11 sentyabr 1948-ci ildə Pakistanın qurucusu dövlət başçısı Məhəmməd Əli Cinnah 72 yaşında Karaçidə dünyasını dəyişdi.

11 sentyabr 1952-ci ildə Qərbi Almaniya (AFR) Kansleri Konrad Adenauer və İsrailin Baş naziri Ben Qurion barışıq sazişi imzalayıblar. Sazişə əsasən, Almaniya faşist idarəçiliyi dövründə yəhudilərə qarşı həyata keçirilmiş soyqırımına (Holokost) görə İsrail dövlətinə 300 milyon dollar təzminat ödəməli idi.

11 sentiyabr 1971-ci ildə 1953-cü ildən 1964-cü ilə kimi Sov.İKP MK Baş katibi, 1958-ci ildən 1964-cü ilədək SSRİ Nazirlər Sovetinin sədri olan Nikita Xruşşov vəfat edib (1894-1971). O, Stalinin şəxsiyyətə pərəstişini tənqid etmiş, ölkənin idarəetmə aparatında bir sıra demokratik islahat aparmış, SSRİ ilə kapitalist ölkələr arasındakı münasibəti nisbətən yaxşılaşdırmışdır.

11 sentyabr 1973-cü ildə Çilidə hərbi çevriliş baş verib. General Auqusto Pinoçetin başçılıq etdiyi hərbi xunta Prezident Salvador Alyendeni qətlə yetirib. Pinoçet rejimi 1989-cu ilədək sürdü. Həmin ildə o, azad seçkilərə şərait yaradaraq hakimiyyətdən getdi.

Salvador Allende

Augusto Pinochet

11 sentyabr 2001-ci ildə Əl-Qaidə terror təşkilatı tərəfindən ABŞ-ın Nyu-York və Vaşinqton şəhərlərində silsilə terror aktları həyata keçirilib. Sentyabrın 11-də yerli vaxtla saat 08:46-da terrorçular tərəfindən ələ keçirilən "American Airlines" şirkətinə məxsus sərnişin təyyarəsi Nyu-Yorkda yerləşən Dünya Ticarət Mərkəzinin Şimal qülləsinə çırpılıb. 09:03 radələrində isə Cənub qülləsi eyni hücuma məruz qalıb. Bir qədər sonra hər iki qüllə yerlə-yeksan olub. Əkiz qüllələrə hücumdan 40 dəqiqə sonra ABŞ Müdafiə Nazirliyinin — Pentaqonun binası da intiharçı-terrorçuların idarə etdikləri təyyarə tərəfindən vurulub. Terror aktları nəticəsində 2 min 976 insan həlak oldu, 6 min 300 adam isə yaralandı. Tarixdə “11 sentyabr hadisələri” olaraq yer alan hadisədən sonra ABŞ rəhbərliyi Əfqanıstan və İraqın işğalı ilə nəticələnəcək prosesi başlatdı.

11 sentiyabr 2014-cü ildə Bakı Ekspo Mərkəzində birinci Azərbaycan Beynəlxalq müdafiə sənayesi “ADEX 2014” sərgisi açılıb. Sərgidə dünyanın 34 ölkəsindən 200 şirkət və rəsmi nümayəndə heyəti iştirak edib.

11 sentyabr 2015-ci ildə güclü fırtına səbəbindən Məkkədə Məscid-i Haramda olan bir kran zəvvarların üzərinə düşdü. İkisi Türk 107 zəvvar həyatını itirdi, 238 nəfər yaralandı.