4 oktyabr 1582-ci ildə Papa XIII Qreqorius Qriqori təqvimini qəbul etdi. Qədim Julian təqviminə 10 gün əlavə olunduğu üçün bir sonrakı gün 15 oktyabr olaraq qəbul edildi.

4 oktyabr 1669-cu ildə “İşığın və kölgələrin rəssamı” hollandiyalı Rembrandt 63 yaşında öldü.

4 oktyabr 1675-ci ildə Holland fizik Hügens cib saatına patent almışdır.

4 oktyabr 1824-cü ildə Meksika Respublikası elan edilmişdir.

4 oktyabr 1830-cu ildə Belçika Krallığı Hollandiyadan ayrılaraq müstəqil oldu.

4 oktyabr 1853-cü ildə Osmanlı dövlətinin Rusiyaya hərb elan etməsilə Krım müharibəsi başlandı.

4 oktyabr 1895-ci ildə Sovet kəşfiyyatçısı Rixard Zorgenin (1895-1944) doğum günüdür. Rixard Zorge Bakıda alman əsilli mühəndisin ailəsində dünyaya göz açıb. 1939-1941-ci illər Rixard Zorgenin və onun təşkilatının kəşfiyyatçılıq fəaliyyətinin ən əhəmiyyətli dövrü olub. Həmin dövrdə o, Almaniyanın Sovet İttifaqına hücum planlarının üstünü açmağa müvəffəq olub. R.Zorge 1941-ci il oktyabrın 18-də Yaponiya polisi tərəfindən həbs olunub, 1943-cü ildə ölüm cəzasına məhkum edilib. 1944-cü il noyabrın 7-də Tokioda, “Suqamo” həbsxanasında dara çəkilib. Yaponiyanın SSRİ-yə hücumunun qarşısının alınması üzrə fəaliyyətinə görə 1964-cü il noyabrın 5-də kəşfiyyatçıya ölümündən sonra Sovet İttifaqı Qəhrəmanı adı verilib.

4 oktyabr 1911-ci ildə dünyada ilk eskalator Londonda quraşdırılmışdır.

1914-cü ilin 4 oktyabr tarixində Burdur və Afyonkarahisarda təsirli olan 6,9 bal gücündə baş verən zəlzələdə 300 nəfər öldü.

4 oktyabr Dünya Heyvanları Müdafiə Günüdür. Hər il oktyabrın 4-də bütün dünyada qeyd olunan Dünya Heyvanları Müdafiə Günü təbiəti mühafizə hərəkatı tərəfdarlarının 1931-ci ildə İtaliyanın Florensiya şəhərində keçirilən Beynəlxalq konfransında təsis edilib.

4 oktyabr 1957-ci ildə Sovet İttifaqı “Sputnik” peykini fırlatdı, ABŞ ilə kosmos yarışı başladı.

4 oktyabr 1959-cu ildə Sovet kosmik aparatı Ayın görünməyən hissəsinin şəklini çəkmişdir.

4 oktyabr 1980-ci ildə 38 müsəlman dövləti Əfqanıstandan sovet qoşunlarının çıxarılması üçün BMT-yə müraciət etmişdir.

4 oktyabr 1986-cı ildə Türkiyə Avropa İnsan Haqları Komissiyasına müraciət haqqını qəbul etdi.

4 oktyabr 1993-ci ildə Rusiyada Boris Yeltsinə bağlı ordu hissələri kommunistlərin bağlama qərarına etiraz etdiyi parlament binasını basdı. Paytaxt Moskvada fövqəladə vəziyyət elan etdi.

4 oktyabr 2000-ci ildə böyük Azərbaycan bəstəkarı, pianoçu, dirijor, Azərbaycanın Xalq Artisti Tofiq Quliyevin (1917-2000) xatirə günüdür. Azərbaycan Respublikasının Prezidenti İlham Əliyev “T.Ə.Quliyevin xatirəsinin əbədiləşdirilməsi haqqında” Sərəncam imzalayıb. Bəstəkarın yaşadığı binaya memorial lövhə vurulub. Azərbaycan Mədəniyyət Nazirliyinin xətti ilə Tofiq Quliyevin həyatı haqqında kitab nəşr olunub. Bakıdakı küçələrdən birinə və 12 nömrəli Musiqi Məktəbinə bəstəkarın adı verilib. Tofiq Quliyevin həyat yolu çoxşaxəli olub. Bəstəkar Azərbaycanın bölgələrini qarış-qarış gəzərək, “Azərbaycan xalq rəqsləri” (1951) , “Azərbaycanın 15 xalq rəqsi” (1956-1958) toplularını, “Azərbaycan mahnıları” (1956-1958) ikicildliyini hazırlayıb. Bu nəşrlər məşhur müğənni Bülbülün redaktəsi ilə işıq üzü görüb. 1941-ci ildə T.Quliyev tərəfindən yaradılan və dərhal dinləyicilərin böyük rəğbətini qazanan estrada orkestri Qızıl Ordu Ansamblı adlandırılaraq müharibənin ilk ilindən 402-ci atıcı diviziyanın tərkibinə daxil olub və ön cəbhədəki qoşun hissələrinə xidmət edib. Tofiq Quliyev bu orkestr üçün vətənpərvərlik ruhunda bir sıra mahnılar yazıb. 1940-cı illərdə bəstəkar kinoda çalışmağa başlayıb və uzun illər bu fəaliyyətini davam etdirib. T.Quliyevin mahnılarının ən yaxşı ifaçılarından biri, məşhur müğənni Rəşid Behbudov ilə onun yaradıcılıq birliyi bəstəkarın musiqisinin təbliğində və populyarlaşmasında böyük rol oynayıb. T.Quliyev və R.Behbudov 1940-cı illərin ikinci yarısında Sovet İttifaqının şəhərlərinə qastrol səfərinə çıxıblar. Onların verdiyi konsertlər daim böyük müvəffəqiyyətlə müşayiət olunub.

4 oktyabr 2008-ci ildə PKK-lı terrorçular tərəfindən Aktütün polis bölməsinə edilən basqında 15 əsgər şəhid oldu. Baş verən atışmada 23 terrorçu məhv edildi.

4 oktyabr 2012-ci ildə Bakıda II Beynəlxalq Humanitar Forum başlayıb. Açılış mərasimində Azərbaycan Prezidenti İlham Əliyev iştirak edib. Forumda 70 ölkədən və 7 nüfuzlu beynəlxalq təşkilatdan 694 nümayəndə, o cümlədən 10 keçmiş dövlət başçısı, 11 Nobel mükafatı laureatı, 5 dünyanın nüfuzlu fəxri professoru, mötəbər beynəlxalq təşkilatları təmsil edən 10 rəhbər vəzifəli şəxs, 55 görkəmli ictimai və siyasi xadim iştirak edib.