E.ə. 202-ci ildə Hannibalın rəhbərlik etdiyi Karfagen ordusu Zama döyüşündə Roma legionlarına məğlub olmuşdur.
22 oktyabr 362-ci ildə Dafne şəhərində yerləşən Apollon məbədi səbəbi bilinməyən yanğında məhv olmuşdur.
22 oktyabr 1600-cü ildə Osmanlı ordusu, Macarıstanın Kanije qalasını fəth etmişdir.
22 oktyabr 1688-ci ildə Xorasanda anadan olan türk əsilli Nadir şah Əfşarın doğum günüdür (1688-1747). III Şah Abbasın ordu komandanı olan Nadir 1736-cı ildə şahın qəfil ölümündən sonra Suqovuşanda (indiki Sabirabad rayonu) Azərbaycan bəylərinin qurultayını çağıraraq özünü şah elan edib. 1747-ci il iyunun 19-da sui-qəsd nəticəsində öldürülüb. Nadir şahın 11 illik hakimiyyəti dövründə indiki İranı, Azərbaycanı, Orta Asiyanın bir hissəsini, Hindistanın şimalını əhatə edən böyük imperatorluq onun ölümündən sonra dağılıb.
22 oktyabr 1746-cı ildə "The College of New Jersey" (indiki adı ilə Prinston Universiteti) qurulmuşdur.
22 oktyabr 1870-ci ildə tanınmış rus yazıçısı, şair, tərcüməçi, Peterburq Elmlər Akademiyasının fəxri akademiki İvan Bunin anadan olub (1870-1953). O, ədəbiyyat üzrə Nobel mükafatı alan ilk rus yazıçısıdır (1933). Buninin rus kəndinin vəziyyətini təsvir edən “Anton almaları", "Şamlar", "Kənd", "Quraqlıq" və digər əsərləri bu gün də maraqla oxunur. Oktyabr inqilabını qəbul еtməyən yazıçı 1920-ci ilədək Ağ ordunun nəzarətindəki Odеssa şəhərində yaşayıb. Bundan sonra isə vətəndaş nikahında olduğu Vеra Muromtsеva ilə birlikdə Fransaya mühacirət еdib.
22 oktyabr 1919-cu ildə böyük yazıçı və dramaturq Hüseyn Cavidin oğlu, bəstəkar Ərtoğrul Cavidin doğum günü (1919-1943). O, Üzeyir Hacıbəylinin rəhbərliyi və tövsiyəsi ilə Azərbaycan dastanlarını, folklor nümunələrini toplayıb, ilk dəfə aşıq musiqisini nota köçürüb. Ə.Cavid skripka ilə fortepiano üçün piyes, romans və mahnılar bəstələyib. Böyük Vətən müharibəsi başlayarkən “Sərhəddən məktub” simfonik balladası və marşlar yazıb. Vaxtsız ölüm “Şeyx Sənan”, “Məhsəti” operaları, bir sıra kamera və instrumental əsərlərini tamamlamağa imkan verməyib.
22 oktyabr 1962-ci ildə “Kuba raket böhranı” başladı. ABŞ prezidenti Con Kennedi Kubada Sovet raketləri olduğunu rəsmi olaraq açıqladı və Fidel Kastro rəhbərləyindəki Kubaya qarşı sanksiya qərarlarını dünyaya elan etdi.
22 oktyabr 1964-cü ildə məşhur Fransız yazıcı və mütəfəkkir Jan-Pol Sartre Nobel ədəbiyyat mükafatına layiq görüldü, ancaq Sartre mükafatı qəbul etmədi.
22 oktyabr 1967-ci ildə “Apollo” kosmos gəmisi Dünya orbitində 163 dəfə fırlandıqdan sonra Atlantik okeanına endi.
22 oktyabr 1975-ci ildə Türkiyənin Vyana səfiri Daniş Tunalıgil 3 erməni terrorçu tərəfindən şəhid edildi.
22 oktyabr 1980-ci ildə Roma papası Qalileo Qaliley haqqında 1633-cü ildə çıxarılmış hökmü ləğv etmişdir.
22 oktyabr 1983-cü ildə Federal Almaniya və Fransada eyni anda keçirilən nüvə silah əleyhinə nümayişlərdə 1 milyon 500 min insan iştirak etdi. Nümayişçilər nüvə silahların ləğvini və nüvə silah stansiyalarının bağlanmasını istədilər.
