1 noyabr 644-cü ildə İslamiyyətin 2-ci Xəlifəsi Hz. Ömər Mədinədə sübh namazını qılarkən Əbu Lüləe adlı təcavüzkarın bıcaqla hücumuna məruz qaldı. Təcavüzkar intihar etdi, Hz.Ömər 3 gün sonra dünyasını dəyişdi.
1 noyabr 1604-cü ildə Şekspirin "Otello" faciəsi ilk dəfə Londonun Uaythol sarayında səhnəyə qoyulub.
1 noyabr 1755-ci ildə Portuqaliyanın paytaxtı Lissabonda baş verən güclü zəlzələ və sonra yaranan sunami 90 min nəfərin həyatına son qoydu.
1 noyabr 1800-cü ildə ABŞ prezidentlərinin iqamətgahı — "Ağ ev" istifadəyə verilib. Onun ilk sakini ABŞ-nin ikinci prezidenti Con Adams oldu.
1 noyabr 1897-ci ildə Turin Universitetinin tələbələri İtaliyanın məşhur “Yuventus” futbol klubunun əsasını qoyublar. Onların ən böyüyünün cəmi 17 yaşı olub. Məhz buna görə də kluba “Yuventus” adı verilib, çünki bu söz latıncadan tərcümədə “gənclik” deməkdir. Onda gənc futbolçuların ağlına da gəlməzdi ki, onların səyi ilə bir futbol əfsanəsi yaranır və yüz ildən sonra bu klub dünyanın ən yaxşı klublarından biri sayılacaq.
1 noyabr 1906-cı ildə “Füyuzat” həftəlik ədəbi, elmi, ictimai-siyasi jurnalının ilk nömrəsi işıq üzü görüb. Jurnal 1906-1907-ci illərdə mesenat Hacı Zeynalabdin Tağıyevin vəsaiti hesabına Bakıda nəşr olunub. Alim, filosof, rəssam və həkim Əli bəy Hüseynzadənin redaktorluğu ilə çıxan jurnalın səhifələrində Mirzə Ələkbər Sabir, Hüseyn Cavid, Məhəmməd Hadi və başqa görkəmli maarifçi yazıçılar çıxış ediblər.
1 noyabr 1922-ci ildə Türkiyə Böyük Millət Məclisinin qərarı ilə 623 il tarixi olan Osmanlı İmperiyasının mövcudluğuna son qoyulub və sonuncu Osmanlı sultanı VI Mehmed taxtdan endirilib.
1 noyabr 1925-ci ildə İranda Rza xan Pəhləvi hakimiyyətə gəlib və bununla Qacarların hakimiyyətinə son qoyulub.
1 noyabr 1928-ci ildə Türkiyədə hərf inqilabı oldu. Ərəbcə rəqəmlər və hərflər ləğv olundu, latın qrafikasından ibarət yeni Türk əlifbası qəbul edildi.
1 noyabr 1939 süni dölləmə yolu ilə ilk dovşan dünyaya gəlib.
1 noyabr 1945-ci ildə dövlət başçısı İsmət İnönü Türkiyə Böyük Millət Məclisinin açılış iclasında etdiyi çıxışda “Tək əskiyimiz hökumət partiyasının qarşısında başqa partiya olmamasıdır” sözlərilə Türkiyədə çox partiyalı həyata keçiləcəyi mesajını verdi.
1 noyabr 1954-cü ildə Əlcəzair Milli Azadlıq Cəbhəsi Fransız müstəmləkə idarəsinə qarşı Müstəqillik Müharibəsi başlatdı. 8 il davam edən müharibədə fransızlar 1,5 milyon əlcəzairlini qətlə yetirdi.
1 noyabr 1955-ci ildə ABŞ-da bir sərnişin təyyarəsi Kolorado yaxınlığında partladı: 44 nəfər öldü.
1 noyabr 1970-ci ildə Fransada bir rəqs salonunda baş verən yanğında 144 nəfər həyatını itirdi.
1 noyabr 1993-cü ildə Avropanın 28 dövlətinin iqtisadi və siyasi birliyinin - Avropa İttifaqının yaranmasını təsbit edən Maastrixt müqaviləsi qüvvəyə mindi.
1 noyabr 1998-ci ildə Avropa İnsan Haqları Məhkəməsi təsis edilib.
Azərbaycan Respublikasında Kənd təsərrüfatı işçiləri günüdür. Həmin gün Prezident İlham Əliyevin 2008-ci il 9 oktyabr tarixli Sərəncamına müvafiq olaraq təsis edilib.
1 noyabr 2008-ci ildə 24 oktyabr tarixində test yayımları ilə uşaqları salamlayan “TRT Çocuk” telekanalı nizamlı yayıma start verdi.
2015-ci il. Azərbaycanda parlament seçkiləri keçirilib. Səsvermənin nəticələrinə görə, Yeni Azərbaycan Partiyası Milli Məclisdə çoxluq qazanıb.
