1791-ci ilin 5 dekabr tarixindә görkәmli Avstriya bәstәkarı Volfqanq Amadey Motsart Vyanada vәfat edib. Qısa hәyatına baxmayaraq Motsart 626 әsәrә imza atıb.
1901-ci ilin 5 dekabr tarixindә dünyanın әn mәşhur çizgi film qәhramanlarına imza atan xarici rejissor Valt Disney Amerika Birlәşmiş Ştatlarının Çikaqo şәhәrindә anadan olub.
1904-cü il 5 dekabr tarixində Yaponiya Port-Arturda rus donanmasını məğlub etmişlər.
1933-cü il 5 dekabr tarixində ABŞ-da "quru qanun" ləğv edilib, spirtli içkilər leqallaşdırılmışdır.
1934-cü ilin 5 dekabr tarixindә Türkiyәdә qadınlara seçmә vә seçilmә hüququ verәn qanun layihәsi Türkiyә Böyük Millәt Mәclisi tәrәfindәn qәbul edilib. Qanun 22 yaşını tamamlamış qadınlara seçmә hüququ, 30 yaşını tamamlamış qadınlara isә millәt vәkili olma hüququ verib. 1935-ci ilin 8 fevral tarixindә keçirilәn parlament seçkilәrindә 18 qadın millәt vәkili seçilәrәk vәzifәlәrinin icrasına başlayıb.
1936-cı il 5 dekabr tarixində SSRİ VIII Fövqəladə sovetlər qurultayı başa çatmış, SSRİ-nin yeni Konstitusiyası qəbul edilmişdir.
1941-ci il 5 dekabr tarixində Finlandiya, Macarıstan və Rumıniya SSRİ-yə qarşı hərbi əməliyyatları dayandırmaqdan imtina edəndən sonra Böyük Britaniya bu ölkələrə müharibə elan edib.
1946-cı il 5 dekabr tarixində Nyu-York şəhəri Birləşmiş Millətlər Təşkilatının daimi qərargahı seçilib.
1951-ci ilin 5 dekabr tarixindә Beynәlxalq Köç Tәşkilatı yaradılıb. Tәşkilat miqrantların yeni bir ölkәyә yerlәşdirilmәsi, könüllü şәkildә geri dönmәlәrinә yardım, miqrantların sәhәti, pul göndәrmә vә qanuni köç variantlarının dәstәklәnmәsi kimi sahәlәrdә fәaliyyәt göstәrir.
1962-ci il 5 dekabr tarixində ABŞ və Sovet İttifaqı Sakit okean hövzəsinin birgə istifadəsinə qərar vermişlər.
Dekabrın 5-i Beynəlxalq Könüllülər Günüdür. BMT-nin Baş Məclisi 1985-ci ildə hökumətlərə hər il iqtisadi və sosial inkişaf naminə 5 dekabr tarixini Beynəlxalq Könüllülər Günü kimi qeyd etməyi təklif edib. Həmin ildən etibarən dekabrın 5-i Beynəlxalq Könüllülər Günü kimi qeyd olunur.
1989-cu il 5 dekabr tarixində Marqaret Tetçer yenidən Mühafizəkar Partiyanın lideri seçilmişdir.
1995-ci il 5 dekabr tarixində Fransa yenidən NATO-nun tərkibinə qayıtdığını elan etmişdir.
5 dekabr 2012-ci ildə UNESCO Hökumətlərarası Komitəsinin Parisdə keçirilən 7-ci sessiyasında Azərbaycanın təqdim etdiyi “Tar alətinin hazırlanması və tar ifaçılıq sənəti” nominasiyası Bəşəriyyətin Qeyri-Maddi Mədəni İrsinin Reprezentativ Siyahısına daxil edilib.
2013-cü ilin 5 dekabr tarixindә Cәnubi Afrikanın ilk qara dәrili dövlәt başçısı Nelson Mandela vәfat edib.
2016-cı ilin 5 dekabr tarixindә Türkiyәnin kosmosdakı gözü olan GÖKTÜRK-1 peyki orbitә buraxılıb.
