E.ə. 43-cü il. Qədim Roma filosofu, natiq və siyasi xadim Mark Tulli Siseron (e.ə. 106-e.ə. 43) edam edilib.
1787-ci il 7 dekabr tarixində Delaver ştatı ABŞ Konstitusiyasını təsdiq edən ilk ştat olub.
1792-ci il 7 dekabr tarixində Brüsseldə Belçikanın müstəqilliyini tələb edən nümayiş fransız ordusu tərəfindən amansızcasına yatırılıb.
1875-ci il 7 dekabr tarixində Azərbaycan Xalq Cümhuriyyətinin ilk Baş naziri Fətəli xan Xoyski (1875-1920) anadan olub. Moskva Universitetinin hüquq fakültəsini bitirdikdən sonra bir sıra dairə məhkəmələrində işləyib. Yekaterinador dairə məhkəməsində prokuror müavini təyin edilməsi onun fəaliyyətində mühüm mərhələ olub. Yelizavetpol (Gəncə) quberniyasından II Dövlət Dumasına deputat seçilən Fətəli xan parlamentin iclaslarında çar hökumətinin müstəmləkəçilik siyasətini kəskin tənqid edirdi. Azərbaycan Xalq Cümhuriyyətinin memarlarından olan Fətəli xan yeni qurulan respublikanın ilk Baş naziri, həmçinin daxili işlər, xarici işlər, ədliyyə, hərbi naziri vəzifələrində çalışıb. Cümhuriyyətin süqutundan sonra Tiflisə gedən Fətəli xan 1920-ci il iyunun 19-da erməni terrorçuları Aram Yergenyan və Misak Qriqoryan tərəfindən qətlə yetirilib
1907-ci il 7 dekabr tarixində İngiltərəli Yugen Korri (1857-1933) boks tarixində ilk dəfə rinqdə hakimlik edən referi kimi tarixə düşüb. O, karyerası ərzində 2 mindən çox qarşılaşmada hakimlik edib.
7 dekabr 1918-ci ildə Bakıda Hacı Zeynalabdin Tağıyevin Qızlar Məktəbinin binasında (indiki AMEA-nın Əlyazmalar İnstitutunun binası) Azərbaycan Xalq Cümhuriyyətinin Parlamenti fəaliyyətə başlayıb. “Müsavat” fraksiyasının (lideri M.Ə.Rəsulzadə) təklifi ilə Əlimərdan bəy Topçubaşov sədr, Həsən bəy Ağayev onun müavini seçilib. 120 yerlik parlament ölkə əhalisinin 24 min nəfərinə 1 deputat olmaqla formalaşmışdı. Parlamentdə 80 azərbaycanlı, 21 erməni, 10 rus deputat vardı. Alman, yəhudi, gürcü və polyak icmalarının hərəsinə 1 yer, həmkarlar və neft sənayeçiləri üçün 5 yer nəzərdə tutulmuşdu. Bu, müsəlman Şərqində demokratik əsaslı ilk parlament idi.
1922-ci il 7 dekabr tarixində Azərbaycan SSR Dağlıq Qarabağ Muxtar Vilayəti Mərkəzi İcraiyyə Komitəsi (DQMV MİK) seçilib.
7 dekabr 1941-ci ildə ABŞ II Dünya müharibəsində ən böyük itkiyə məruz qalıb. ABŞ Hərbi Hava Qüvvələrinin Havay adalarındakı (Sakit okean) Perl-Harbor bazası Yaponiya təyyarələrinin hücumuna məruz qalıb. Bombardman nəticəsində ABŞ-nin bazadakı donanması (18 gəmi, 200 təyyarə) sıradan çıxarılıb, 3400-ə yaxın hərbçi həlak olub. Amerikalılar Perl-Harborun qisasını 1945-ci ilin avqustunda Yaponiyanın Xirosima və Naqasaki şəhərlərinə nüvə bombası atmaqla aldılar.
1956-cı ilin 7 dekabr tarixindә Türkiyә әdәbiyyatının әhәmiyyәtli incilәrindәn biri olan ‘‘Çalıquşu’’ romanının müәllifi Rәşat Nuri Güntekin 67 yaşında vәfat edib.
1975-ci il 7 dekabr tarixində İndoneziya ordusu yeni müstəqillik qazanmış keçmiş Portuqaliya müstəmləkəsi — Şərqi Timoru ilhaq edib. Lissabon Cakarta ilə əlaqələri kəsib.
1985-ci il 7 dekabr tarixində Terrorçular Parisdə mağazalar şəbəkəsində 41 nəfərin ölümünə səbəb olan partlayışlar törədiblər.
1988-ci ilin 7 dekabr tarixindә Ermәnistanda 7,1 bal gücündә zәlzәlә baş verib. Tәbii fәlakәt nәticәsindә 25 mindәn çox adam hәlak olub, 150 min nәfәr xәsarәt alıb vә 400 min nәfәr evsiz qalıb.
