Əlövsət Zakir oğlu Abdullayev 1920-ci il fevral ayının 17-də Şamaxı rayonunun Məlikçobanlı kəndində anadan olub.
İlk təhsilini Şamaxının Məlikçobanlı və Ucarın Yuxarı Şilyan kənd məktəblərində alıb. 1936-cı ildə Şamaxı Pedaqoji Texnikumuna daxil olub, 1939-cu ildə həmin müəssisədə təhsilini əla qiymətlərlə başa vurub, bir il kənddə müəllim işləyib, sonra Bakıya gələrək Azərbaycan Dövlət Universitetinin (indiki BDU) filologiya fakültəsinə daxil olub.
Böyük Vətən müharibəsi başlananda təhsilini yarımçıq qoyaraq cəbhəyə yola düşüb, döyüşlərdə iştirak edib, yaralandığı üçün ordudan tərxis olunub.
1943-1946-cı illərdə Məlikçobanlı kəndində məktəb direktoru vəzifəsində çalışıb. Faşist Almaniyası məğlub edildikdən sonra yenidən universitetə qayıdıb, 1950-ci ildə Azərbaycan Dövlət Universitetini bitirib.
Yüksək hazırlığını və elmə olan dərin marağını nəzərə alaraq onu aspiranturaya qəbul ediblər. Ə. Abdullayev 1954-cü ildə “Müasir Azərbaycan dilində xüsusiləşmələr” mövzusunda namizədlik dissertasiyası, 1963-cü ildə isə müasir dilçiliyimizin ən qaranlıq, ən az tədqiq olunmuş sahəsindən - tabeli mürəkkəb cümlələrdən doktorluq dissertasiyası müdafiə edib. 1964-cü ildə professor elmi adını alıb.
1962-1967-ci illərdə Azərbaycan Dövlət Universitetinin filologiya fakültəsinin dekanı, 1972-1976-cı illərdə prorektoru, 1967-1985-ci illərdə Azərbaycan dilçiliyi kafedrasının müdiri olub.
Əlövsət Abdullayev Azərbaycan dilinin ən aktual problemləri üzrə 140-dan çox əsərin, o cümlədən 15-dən artıq tədris ədəbiyyatı və monoqrafiyanın müəllifidir.
Görkəmli dilçi alim müxtəlif illərdə Bakıda, Moskvada, Sankt-Peterburqda, Səmərqənddə, Kazanda, Tiflisdə keçirilmiş elmi konfranslarda, Berlində, Ankarada, İstanbulda, Daşkənddə toplanmış beynəlxalq qurultay və konqreslərdə iştirak edib, məruzələr oxuyub.
Professor Ə.Abdullayev həm də böyük ictimai iş aparıb. O, Azərbaycan EA (indiki AMEA) Nəsimi adına Dilçilik İnstitutunun və Universitetin elmi şuralarının, Azərbaycan Ensiklopediyasının redaksiya şurasının, Respublikada Azərbaycan Dilinin Tətbiqi və Əlifba komissiyalarının üzvü olub. Eyni zamanda BDU-nun “Elmi əsərləri”nin Dil və ədəbiyyat seriyasının baş redaktoru, universitetin ümumi, humanitar elmlər, filologiya elmləri doktoru və namizədi dərəcələri verən şuralarının, Azərbaycan Elmlər Akademiyası Dilçilik İnstitutunun, Respublika Elmlər Akademiyası Rəyasət Heyəti yanında dilçilik üzrə əlaqələndirmə şuralarının, Azərbaycan Təhsil Nazirliyinin tədris metodika şurasının üzvü olub.
1983-cü ildə Türkiyədə Türk Dil Qurumunun müxbir üzvü, 1984-cü ildə həqiqi üzv seçilib. Rəhbərliyi altında 29 namizədlik, 3 doktorluq dissertasiyası müdafiə edilib.
1945-ci ildə “Böyük Vətən müha ribəsində Almaniya üzərində qələbəyə görə” medalı, 1969-cu ildə Azərbaycan SSR Ali Sovetinin Rəyasət Heyətinin “Fəxri Fəman”ı, 1970-ci ildə SSRİ Ali Sovetinin Rəyasət Heyətinin qərarı ilə “Əməkdə igidliyə görə” medalı, 1974-cü ildə Azərbaycan SSR Dövlət Mükafatı ilə təltif edilib, 1992-ci ildə “Əməkdar elm xadimi” fəxri adına layiq görülüb.
Əlövsət Abdullayev 1993-cü il may ayının 28-də Bakıda vəfat edib.
İlk təhsilini Şamaxının Məlikçobanlı və Ucarın Yuxarı Şilyan kənd məktəblərində alıb. 1936-cı ildə Şamaxı Pedaqoji Texnikumuna daxil olub, 1939-cu ildə həmin müəssisədə təhsilini əla qiymətlərlə başa vurub, bir il kənddə müəllim işləyib, sonra Bakıya gələrək Azərbaycan Dövlət Universitetinin (indiki BDU) filologiya fakültəsinə daxil olub.
Böyük Vətən müharibəsi başlananda təhsilini yarımçıq qoyaraq cəbhəyə yola düşüb, döyüşlərdə iştirak edib, yaralandığı üçün ordudan tərxis olunub.
1943-1946-cı illərdə Məlikçobanlı kəndində məktəb direktoru vəzifəsində çalışıb. Faşist Almaniyası məğlub edildikdən sonra yenidən universitetə qayıdıb, 1950-ci ildə Azərbaycan Dövlət Universitetini bitirib.
Yüksək hazırlığını və elmə olan dərin marağını nəzərə alaraq onu aspiranturaya qəbul ediblər. Ə. Abdullayev 1954-cü ildə “Müasir Azərbaycan dilində xüsusiləşmələr” mövzusunda namizədlik dissertasiyası, 1963-cü ildə isə müasir dilçiliyimizin ən qaranlıq, ən az tədqiq olunmuş sahəsindən - tabeli mürəkkəb cümlələrdən doktorluq dissertasiyası müdafiə edib. 1964-cü ildə professor elmi adını alıb.
1962-1967-ci illərdə Azərbaycan Dövlət Universitetinin filologiya fakültəsinin dekanı, 1972-1976-cı illərdə prorektoru, 1967-1985-ci illərdə Azərbaycan dilçiliyi kafedrasının müdiri olub.
Əlövsət Abdullayev Azərbaycan dilinin ən aktual problemləri üzrə 140-dan çox əsərin, o cümlədən 15-dən artıq tədris ədəbiyyatı və monoqrafiyanın müəllifidir.
Görkəmli dilçi alim müxtəlif illərdə Bakıda, Moskvada, Sankt-Peterburqda, Səmərqənddə, Kazanda, Tiflisdə keçirilmiş elmi konfranslarda, Berlində, Ankarada, İstanbulda, Daşkənddə toplanmış beynəlxalq qurultay və konqreslərdə iştirak edib, məruzələr oxuyub.
Professor Ə.Abdullayev həm də böyük ictimai iş aparıb. O, Azərbaycan EA (indiki AMEA) Nəsimi adına Dilçilik İnstitutunun və Universitetin elmi şuralarının, Azərbaycan Ensiklopediyasının redaksiya şurasının, Respublikada Azərbaycan Dilinin Tətbiqi və Əlifba komissiyalarının üzvü olub. Eyni zamanda BDU-nun “Elmi əsərləri”nin Dil və ədəbiyyat seriyasının baş redaktoru, universitetin ümumi, humanitar elmlər, filologiya elmləri doktoru və namizədi dərəcələri verən şuralarının, Azərbaycan Elmlər Akademiyası Dilçilik İnstitutunun, Respublika Elmlər Akademiyası Rəyasət Heyəti yanında dilçilik üzrə əlaqələndirmə şuralarının, Azərbaycan Təhsil Nazirliyinin tədris metodika şurasının üzvü olub.
1983-cü ildə Türkiyədə Türk Dil Qurumunun müxbir üzvü, 1984-cü ildə həqiqi üzv seçilib. Rəhbərliyi altında 29 namizədlik, 3 doktorluq dissertasiyası müdafiə edilib.
1945-ci ildə “Böyük Vətən müha ribəsində Almaniya üzərində qələbəyə görə” medalı, 1969-cu ildə Azərbaycan SSR Ali Sovetinin Rəyasət Heyətinin “Fəxri Fəman”ı, 1970-ci ildə SSRİ Ali Sovetinin Rəyasət Heyətinin qərarı ilə “Əməkdə igidliyə görə” medalı, 1974-cü ildə Azərbaycan SSR Dövlət Mükafatı ilə təltif edilib, 1992-ci ildə “Əməkdar elm xadimi” fəxri adına layiq görülüb.
Əlövsət Abdullayev 1993-cü il may ayının 28-də Bakıda vəfat edib.
