“Ermənistanın bu müharibədə uduzduğu su kimi aydındır”.
Bunu KONKRET.az-a açıqlamasında Azərbaycanın ilk şoumeni Qorxmaz Əlilicanzadə bildirib.
O, qeyd edib ki, biz 30 il dözdük və torpaqlarımızı azad etməyə başladıq:
“Hər kəs Prezidenti qınayırdı ki, niyə müharibə əmrini vermir. Cənab Prezident bütün diplomatik əlaqələri möhkəmləndirdikdən və Azərbaycan dünyada söz sahibi olduqdan sonra düşmənin təxribatlarına cavab vermək məqsədi ilə əks hücum əmri verdi. Bizim müharibədə üstünlüyümüzün səbəbi bu illər ərzində dövlət başçısı tərəfindən ordu quruculuğu sahəsində atılan addımlar, silahlı qüvvələrimizin yüksək döyüş qabiliyyətinə malik olması, əsgərlərimizin müasir hərbi texnika və silah-sürsatla təmin edilməsidir. Mən bu məsələdə İsrail ölkəsinə də təşəkkür edirəm. Hər dəfə İsrail ölkəsinin adı gələndə Milli Qəhrəman Albert Aqarunov gözümün önünə gəlir və fəxr edirəm ki, mənim torpağımda belə insan uyuyur. Albert Aqarunov simasında bütün israillərə qarşı böyük məhəbbətim var. Çünki onlar çörək itirməyəndirlər. Yəhudilər başqa vətəndə yaşamaqlarına baxmayaraq çətin vaxtda qoyub qaçmırlar. Çörəyini yedikləri ölkənin müstəqilliyi və ərazi bütövlüyü üçün vuruşurlar. Hətta müharibədən öncə İsrailə köçənlər belə dostluq əlini uzatdılar. Bilirsiniz ki. İsrail başqa ölkəyə satmadığı ən son müasir və güclü silahları bizə satırlar. İstərdim ki, cənab Prezident İlham Əliyev İsraillə qardaş Türkiyəni barışdırsın. Necə ki, Rusiya ilə barışdırdığı kimi”.
Qorxmaz Əlilicanzadə söyləyib ki, Paşinyan əslində verdiyi sərsəm bəyanat və açıqlamaları ilə bu müharibənin başlamasına şərait yaratdı:
“Bəzən deyəndə ki, Paşinyan bizim adamdır, mənə gülürlər. O, təxribatları ilə bizə şərait yaratmasaydı, biz danışıqların nə zamansa nəticə verəcəyini gözləyəcəkdik. Çünki biz birdən-birə bu müharibəyə başlaya bilməzdik. Paşinyan bilməyərəkdən və ya bilərəkdən şərait yaratdı, biz də yaranan məqamdan istifadə edərək torpaqlarımızı işğaldan azad etməyə başladıq. Ermənilər necə bizə deyirdi ki, qan töküb torpaqları almışıq, biz də bu gün o qaydada da ərazilərimizi işğaldan azad edirik. İgid oğullarımız qanları və canları hesabına ərazi bütövlüyümüzün bərpa edirlər. Mən hər bir şəhid anasının və atasının qarşında diz çökürəm. Çünki onlar bu dövlət üçün igid övladlar böyüdüblər”.
O vurğulayıb ki, bu gün hər kəs müharibənin dayanmasından qorxur:
“Düşünürəm ki, biz müharibəni saxlaya bilmərik. Çünki bu, Azərbaycan üçün böyük fəlakət ola bilər. Amma qorxmağa ehtiyac yoxdur. Ali Baş Komandan bu məsələdə qətidir və müharibəni dayandırmır. Hər zaman çıxışlarında və xarici KİV-lərə müsahibəsində də qeyd edir ki, torpaqlarımızın son qarışınadək işğaldan azad edəcəyik. Məni narahat edən müharibə bitdikdən sonra ermənilərə muxtariyyət verilməsi məsələsi idi. Amma cənab Preizdent müsahibəsidə heç bir referendumun keçirilməyəcəyini qeyd etdi. Mən erməilərlə bir yerdə yaşanılmasının əleyhinəyəm. Çünki ermənilər bilə-bilə 200 il bizə və türk qardaşlarımıza olmazın zülmlər veriblər. Ermənilər bizə dəfələrlə soyqırımlar və vandalizmlər törətsələr də hər zaman onlara güzəştə getmişik. Bu da əlbəttə necə böyük ürəyə sahib olduğumuzun göstəricisidir.
Ermənilər satqın millətdir. Hələ 2-ci dünya müharibəsi zamanı onların bir qismi Hitlerin tərəfinə keçib SSRİ-nin əleyhinə döyüşüblər. Bu gün mənim tanıdığım heç bir soydaşımız erməni ilə bir yerdə yaşamağa razı deyil. Əgər Zəngəzura və Göyçə mahalına azərbaycanlılarımız qayıtmırsa, niyə biz onlara mərhəmət göstərməliyik? Bəyəm onlar mərhəmət göstərirlər ki, biz də onlara yenidən güzəşt edək. Ermənilər azərbaycanlılarla yaşasalar, düşünəcəklər ki, necə etsinlər ki, sayımızı azaltsınlar. Onlar iddia edirlər ki, guya 80-ci illərdə Qarabağda 120 min erməni 80 min də azərbaycanlı yaşayıb. Amma Qarabağda hər zaman azərbaycanlılar çox olub. Ermənilər tədricən bizimkiləri sıxışdıraraq oradan çıxarmağa çalışırdılar. Onları dövlət işlərində sıxışdırırdılar, iş vermirdilər. Azərbaycanlılar deyrdilər ki, fərqi nədir, başqa rayonda və ya Bakıda iş taparam. Bu minval ilə Qarabağdan köçüb gedirdilər. Ona görə də biz ermənilərlə işi bitirməliyik. Dipliomatik danışıqlar zamanı ermənilərin qarşısına konkret tələblərimizi qoymalıyıq. Qarabağda ermənilər o zaman yaşaya bilər ki, İrəvanda, Göyçədə və Zəngəzurda olan soydaşlarımız öz yurdlarına qayıda bilsin. Zamanında Ermənistan əhalisinin 53 faizini azərbaycanlılar təşkil edib. Bu Qorbaçovun dilindən çıxan sözdür. Ermənistanda yaşayan 53 faiz azərbaycanlı hazırda hardadır? 1947-1948-ci ildə 300 min azərbaycanlı İrəvandan qovulub. Həmin soydaşlarımızın o torpaqlara qayıtmaq haqqı var. Ona görə də biz haqlı tərəfik. Düşünürəm ki, müharibə bitdikdən sonra Naxçıvanla bizi birləşdirən torpaqlarımızı ermənilərdən tələb etməliyik. Ortaya faktlar və sənədlər qoymalıyıq. SSRİ dövründə insanlarımızın fikri öyrənilmədən o torpaqlar ermənilərə verilib. 114 kv.km ərazi bərpa olunmalıdır. Türk qardaşlarımızın və dəyərli insan Rəcəb Tayib Ərdoğanin dostluğu belə bir çətin gündə özünü göstərdi. Bu qardaşlığımız daim var olsun”.
