Bu gün İkinci Qarabağ müharibəsi dövründə Gəncə şəhərinin Ermənistan Silahlı Qüvvələri tərəfindən ilk raket hücumuna məruz qalmasından 4 il ötür.
2020-ci ilin oktyabrın 4-də səhər saat 10 radələrində ermənilərin atdığı raketlər Azərbaycanın ikinci ən böyük şəhərində mülki yaşayış məntəqəsinə, o cümlədən sakinlərin yaşadığı ikimərtəbəli binaya, fərdi yaşayış evlərinə düşüb.
İkinci Qarabağ müharibəsi dövründə Ermənistan Silahlı Qüvvələri tərəfindən Gəncə şəhərinə ümumilikdə beş dəfə raket və ağır artilleriya ilə hücum edilib.
Globalinfo.az-a danışan Milli Məclisin deputatı Naqif Həmzəyev deyib ki, 44 günlük Vətən müharibəsi zamanı Ermənistan hərbi cinayətlər törətməkdən çəkinmədi:
“Birinci Qarabağ müharibəsində Xocalı faciəsini törədən ermənilər, növbəti müharibədə məğlubiyyətlə barışmadığı, bunun qisasını almaq üçün döyüş bölgəsindən kilometrlərlə uzaqda yerləşən Naftalan, Gəncə, Goranboy və Bərdəni uzaqmənzilli raketlərlə atəşə tutdular. Xüsusilə də Gəncənin hədəf seçilməsinin əsas məqsədi cəbhədə çaşqınlıq yaratmaq idi. Yəni Azərbaycanın döyüşləri dayandırmaq ehtimalının olduğunu düşünürdülər. Paralel olaraq Azərbaycan xalqının gözünü qorxutmağa çalışırdılar. Xocalı faciəsini törədərək yaratdıqları dəhşəti, insanları qorxutmağı hədəfləyirdilər. Lakin həmin vaxt ictimai, siyasi vəziyyət tamamilə fərqli idi. Xocalı faciəsi müharibənin gedişinə də mənfi təsir göstərmişdi. Hələ də o anları yada salanda çox kədərlənirik. Gəncəyə uzaqmənzilli raketlərin atılması eyni məqsədə xidmət edirdi”.
Deputatın sözlərinə görə, Azərbaycan xalqı Prezident İlham Əliyevin yanında, ordumuzun arxasında oldu:
“Gəncəyə atılan raketlər fonunda gəncəlilər sonuna qədər döyüş istəyirdilər. Həmin günlərdə əhalidən alınan sorğularda belə onların müharibədən, ermənilərdən qorxmadıqlarını, torpaqlarımızın işğaldan azad edilməsi üçün bu prosesin sonuna qədər davam etməsini istədikləri görünürdü. Oktyabrın 4-də ilk dəfə Gəncə raket zərbələrinə tuş gəldi. Ardınca proses bir neçə dəfə də təkrarlandı. Dinc sakinlər şəhid oldu, infrastruktura böyük zərbə dəydi. Lakin əhali öz evini tərk etmədi, müharibənin gedişini yaxından izlədilər. Hər kəs bacardığı qədər yardım göndərdi. Azərbaycan Silahlı Qüvvələrinin heç bir dəstəyə ehtiyacı yox idi, dövlət ordunu yeksək səviyyədə təmin edirdi. Amma arxa cəbhədə insanlar rahatlıq tapmaq üçün yardımları əsirgəmirdilər”.
Safura Bənnayeva
Globalinfo.az
2020-ci ilin oktyabrın 4-də səhər saat 10 radələrində ermənilərin atdığı raketlər Azərbaycanın ikinci ən böyük şəhərində mülki yaşayış məntəqəsinə, o cümlədən sakinlərin yaşadığı ikimərtəbəli binaya, fərdi yaşayış evlərinə düşüb.
İkinci Qarabağ müharibəsi dövründə Ermənistan Silahlı Qüvvələri tərəfindən Gəncə şəhərinə ümumilikdə beş dəfə raket və ağır artilleriya ilə hücum edilib.
Globalinfo.az-a danışan Milli Məclisin deputatı Naqif Həmzəyev deyib ki, 44 günlük Vətən müharibəsi zamanı Ermənistan hərbi cinayətlər törətməkdən çəkinmədi:
“Birinci Qarabağ müharibəsində Xocalı faciəsini törədən ermənilər, növbəti müharibədə məğlubiyyətlə barışmadığı, bunun qisasını almaq üçün döyüş bölgəsindən kilometrlərlə uzaqda yerləşən Naftalan, Gəncə, Goranboy və Bərdəni uzaqmənzilli raketlərlə atəşə tutdular. Xüsusilə də Gəncənin hədəf seçilməsinin əsas məqsədi cəbhədə çaşqınlıq yaratmaq idi. Yəni Azərbaycanın döyüşləri dayandırmaq ehtimalının olduğunu düşünürdülər. Paralel olaraq Azərbaycan xalqının gözünü qorxutmağa çalışırdılar. Xocalı faciəsini törədərək yaratdıqları dəhşəti, insanları qorxutmağı hədəfləyirdilər. Lakin həmin vaxt ictimai, siyasi vəziyyət tamamilə fərqli idi. Xocalı faciəsi müharibənin gedişinə də mənfi təsir göstərmişdi. Hələ də o anları yada salanda çox kədərlənirik. Gəncəyə uzaqmənzilli raketlərin atılması eyni məqsədə xidmət edirdi”.
Deputatın sözlərinə görə, Azərbaycan xalqı Prezident İlham Əliyevin yanında, ordumuzun arxasında oldu:
“Gəncəyə atılan raketlər fonunda gəncəlilər sonuna qədər döyüş istəyirdilər. Həmin günlərdə əhalidən alınan sorğularda belə onların müharibədən, ermənilərdən qorxmadıqlarını, torpaqlarımızın işğaldan azad edilməsi üçün bu prosesin sonuna qədər davam etməsini istədikləri görünürdü. Oktyabrın 4-də ilk dəfə Gəncə raket zərbələrinə tuş gəldi. Ardınca proses bir neçə dəfə də təkrarlandı. Dinc sakinlər şəhid oldu, infrastruktura böyük zərbə dəydi. Lakin əhali öz evini tərk etmədi, müharibənin gedişini yaxından izlədilər. Hər kəs bacardığı qədər yardım göndərdi. Azərbaycan Silahlı Qüvvələrinin heç bir dəstəyə ehtiyacı yox idi, dövlət ordunu yeksək səviyyədə təmin edirdi. Amma arxa cəbhədə insanlar rahatlıq tapmaq üçün yardımları əsirgəmirdilər”.
Safura Bənnayeva
Globalinfo.az
