Dövlət səhiyyə sisteminə daxil olan tibb müəssisələrində tibb işçilərinin işə qəbulu qaydalarını tənzimləyən “İşə qəbul” alt sistemi, ənənəvi işə qəbul prosesindən bir sıra mühüm üstünlükləri ilə fərqlənir.
Bu fikirləri Səhiyyə Nazirliyinin rəsmi instaqram hesabında canlı yayımda Nazirliyin Rəqəmsal Səhiyyə Mərkəzinin mütəxəssisi Sevinc Məhərrəmova açıqlayıb.
Onun sözlərinə görə, bu sistem işə qəbul prosesinin şəffaflığını, effektivliyini və obyektivliyini artırmaqla yanaşı, tibb müəssisələrində kadr seçimini optimallaşdırmağa imkan yaradır:
“İşə qəbul” alt sistemi bütün prosesin vahid platforma üzərindən elektron qaydada idarə olunmasını təmin edərək, insan amilindən qaynaqlanan qeyri-obyektiv halların qarşısını alır. Sistem namizədlərin qiymətləndirilməsini standart qaydalara əsasən aparır və seçim prosesi tam şəffaf şəkildə həyata keçirilir. Alt sistem işə qəbul prosesini vahid bir platforma üzərindən idarə edərək, ölkə üzrə tibb müəssisələrində vahid və sistemli yanaşmanın tətbiq olunmasına şərait yaradır. Eyni zamanda, bütün tibb işçiləri üçün bərabər imkanlar yaradaraq, vakansiyalar haqqında məlumatlara asan çıxış imkanı verir və müsahibələrə müraciət prosesini daha əlçatan edir”.
Mütəxəssis qeyd edib ki, alt sistem bütün müraciət və sənədlərin elektron qaydada təqdim olunmasını təmin edir:
“Bu isə sənəd itkisinin qarşısını alır, müraciətlərin daha sürətli emal olunmasına şərait yaradır və gələcəkdə məlumat bazasından istifadəni asanlaşdırır. Müəyyən dövrdən sonra bu sistem vasitəsilə tibb müəssisələrinin kadr ehtiyaclarına dair geniş analitik məlumatların əldə edilməsi də mümkün olacaq. Alt sistemin tətbiqi ilə tibb müəssisələri işçi axtarışını sürətləndirə, vakant vəzifələrə qısa müddətdə uyğun namizədlər taparaq kadr çatışmazlığı problemlərini operativ şəkildə həll edə bilirlər”.
S.Məhərrəmova qeyd edib ki, ənənəvi işə qəbul prosesində bir sıra maneələr mövcud idi:
“Şəffaflığın zəif olması, bəzi hallarda subyektiv qərarların verilməsinə və qeyri-bərabər imkanların yaranmasına səbəb olurdu. Müraciət prosesinin mərkəzləşdirilməmiş və fərqli tibb müəssisələrində müxtəlif qaydalarla aparılması, namizədlər üçün çətinliklər yaradırdı. Sənəd qəbulu və qiymətləndirmənin kağız üzərində aparılması, vaxt itkisinə və səhvlərin baş verməsinə gətirib çıxarırdı. Bundan əlavə, regionlarda fəaliyyət göstərən tibb müəssisələrinin vakansiyalarını lazımi qədər geniş auditoriyaya çatdırması çətin idi, bu da kadr çatışmazlığı problemini daha da dərinləşdirirdi. Ümumilikdə, “İşə qəbul” alt sisteminin tətbiqi dövlət səhiyyə sistemində kadrların seçilməsi və yerləşdirilməsi prosesini daha səmərəli, şəffaf və sürətli etməklə tibb müəssisələrinin kadr ehtiyaclarını daha optimal şəkildə qarşılamağa imkan yaradır”.
Mütəxəssis sonda bildirib ki, bu həm səhiyyə sektorunun inkişafına, həm də vətəndaşlara göstərilən tibbi xidmətin keyfiyyətinin yüksəlməsinə töhfə verir.
Bu fikirləri Səhiyyə Nazirliyinin rəsmi instaqram hesabında canlı yayımda Nazirliyin Rəqəmsal Səhiyyə Mərkəzinin mütəxəssisi Sevinc Məhərrəmova açıqlayıb.
Onun sözlərinə görə, bu sistem işə qəbul prosesinin şəffaflığını, effektivliyini və obyektivliyini artırmaqla yanaşı, tibb müəssisələrində kadr seçimini optimallaşdırmağa imkan yaradır:
“İşə qəbul” alt sistemi bütün prosesin vahid platforma üzərindən elektron qaydada idarə olunmasını təmin edərək, insan amilindən qaynaqlanan qeyri-obyektiv halların qarşısını alır. Sistem namizədlərin qiymətləndirilməsini standart qaydalara əsasən aparır və seçim prosesi tam şəffaf şəkildə həyata keçirilir. Alt sistem işə qəbul prosesini vahid bir platforma üzərindən idarə edərək, ölkə üzrə tibb müəssisələrində vahid və sistemli yanaşmanın tətbiq olunmasına şərait yaradır. Eyni zamanda, bütün tibb işçiləri üçün bərabər imkanlar yaradaraq, vakansiyalar haqqında məlumatlara asan çıxış imkanı verir və müsahibələrə müraciət prosesini daha əlçatan edir”.
Mütəxəssis qeyd edib ki, alt sistem bütün müraciət və sənədlərin elektron qaydada təqdim olunmasını təmin edir:
“Bu isə sənəd itkisinin qarşısını alır, müraciətlərin daha sürətli emal olunmasına şərait yaradır və gələcəkdə məlumat bazasından istifadəni asanlaşdırır. Müəyyən dövrdən sonra bu sistem vasitəsilə tibb müəssisələrinin kadr ehtiyaclarına dair geniş analitik məlumatların əldə edilməsi də mümkün olacaq. Alt sistemin tətbiqi ilə tibb müəssisələri işçi axtarışını sürətləndirə, vakant vəzifələrə qısa müddətdə uyğun namizədlər taparaq kadr çatışmazlığı problemlərini operativ şəkildə həll edə bilirlər”.
S.Məhərrəmova qeyd edib ki, ənənəvi işə qəbul prosesində bir sıra maneələr mövcud idi:
“Şəffaflığın zəif olması, bəzi hallarda subyektiv qərarların verilməsinə və qeyri-bərabər imkanların yaranmasına səbəb olurdu. Müraciət prosesinin mərkəzləşdirilməmiş və fərqli tibb müəssisələrində müxtəlif qaydalarla aparılması, namizədlər üçün çətinliklər yaradırdı. Sənəd qəbulu və qiymətləndirmənin kağız üzərində aparılması, vaxt itkisinə və səhvlərin baş verməsinə gətirib çıxarırdı. Bundan əlavə, regionlarda fəaliyyət göstərən tibb müəssisələrinin vakansiyalarını lazımi qədər geniş auditoriyaya çatdırması çətin idi, bu da kadr çatışmazlığı problemini daha da dərinləşdirirdi. Ümumilikdə, “İşə qəbul” alt sisteminin tətbiqi dövlət səhiyyə sistemində kadrların seçilməsi və yerləşdirilməsi prosesini daha səmərəli, şəffaf və sürətli etməklə tibb müəssisələrinin kadr ehtiyaclarını daha optimal şəkildə qarşılamağa imkan yaradır”.
Mütəxəssis sonda bildirib ki, bu həm səhiyyə sektorunun inkişafına, həm də vətəndaşlara göstərilən tibbi xidmətin keyfiyyətinin yüksəlməsinə töhfə verir.
