Moskvanın Sosenskoye qəsəbəsində deputat Aleksandr Kolodiç qətlə yetirilib.
Bu barədə Rusiya mətbuatı yazıb.
Bildirilir ki, Xantı-Mansi Muxtar Dairəsinin deputatı olan Aleksandr Kolodiç həyətində işləyən fəhlə tərəfindən öldürülüb. Adı açıqlanmayan şəxs 58 yaşlı deputatı bıçaqlayıb, daha sonra evin zirzəmisində basdırıb.
Digər tərəfdən şəxs deputatın həyat yoldaşına da hücum edib. Ağır yaralanan qadın xəstəxanaya yerləşdirilib.
Hadisəni törədən fəhlə hüquq-mühafizə orqanları tərəfindən saxlanılıb.
