19-23 oktyabr 2026-cı il tarixlərində Qazaxıstanmızın X. Dulati adına Taraz Universitetinin Fəlsəfə kafedrasının müdiri, fəlsəfə üzrə fəlsəfə doktoru, dosent Dina Kulbayeva, fəlsəfə üzrə fəlsəfə doktoru, dosent Gulhan Nuraddin, Lev Qumilyov adına Avrasiya Universitetinin Fəlsəfə kafedrasının əməkdaşı, fəlsəfə üzrə fəlsəfə doktoru, dosent Kuralay Yermagambetova və magistr Anel Sabi AMEA Fəlsəfə və Sosiologiya İnstitutunda elmi-nəzəri təcrübə keçiblər.

Qazaxıstanlı filosoflar, xüsusilə AMEA Fəlsəfə və Sosiologiya İnstitutunun Türk xalqlarının fəlsəfi fikir tarixi və müasir fəlsəfəsi şöbəsi ilə sıx şəkildə fikir mübadiləsi aparıblar. Həmin institutun Türk xalqlarının fəlsəfi fikir tarixi və müasir fəlsəfəsi şöbəsinin müdiri, fəlsəfə üzrə fəlsəfə doktoru, dosent Faiq Ələkbərli Qazaxıstanlı fəlsəfəçi alimlərə Azərbaycan və Türk fəlsəfəsi haqqında geniş məlumatlar verib.

Oktyabrın 23-də AMEA Fəlsəfə və Sosiologiya İnstitutu, Lev Qumilyov adına Avrasiya Universiteti və X. Dulati adına Taraz Universitetinin birgə təşkilatçılığı ilə “Müasir praktiki (tətbiqi) fəlsəfə nədir və onun nəzəri fəlsəfəyə təsiri” mövzusunda elmi seminar keçirilib.

Seminarın sonunda Faiq Ələkbərli müəllifi olduğu “Türk xalqları fəlsəfəsi tarixi. Qədim dövr” kitabını qonaqlara hədiyyə edib.