Sentyabrın 9-da Xırdalanda Azərbaycan Respublikası Qeyri-Hökümət Təşkilatlarının Dövlət Dəstəyi Agentliyi, "Hilal Sosial Araşdırmalar" İctimai Birliyinin dəstəyi və "Gənclərin Töhvəsi" İctimai Biriliyi, "Azərbaycan -Türkiyə Qida Təhlükəsizliyi" İctimai Birliyinin təşəbbüsü ilə "Sağlam ailə - sağlam genofondun təminatçısıdır" mövzusunda seminar keçirildi.
"Gənclərin Töhvəsi" İctimai Birliyin sədri Asim Vəliyev çıxış edərək layihə mövzusunun aktuallığı və erkən uşaqlıq dövründə inkişafla bağlı valideynlərin, himayədarların vaxtında məlumatlandırılmasının, onların bilik və bacarıqlarının artırılmasının vacibliyini xüsusi vurğuladı.
Daha sonra söz "Azərbaycan Türkiyə Qida Təhkükəsizliyi" İctimai Birliyinin rəhbəri, ekspert Məhsəti Hüseynovaya verildi. O, qida təhlükəsizliyi ilə bağlı bir çox aktual problemlərə toxunaraq qeyd etdi ki, uşağın dünyaya sağlam gəlməsi ata-anasınının sağlamlığından asılıdır və doğulan körpənin normal inkişafı üçün ana südü əvəzedilməzdir. Halbuki, müasir dövrümüzdə gənc analar süni qidaya üstünlük verirlər. Bu da yolverilməzdir!Çünki süni qidada uşağın sağlam inkişafı üçün bir çox lazımi maddələr yoxdur. Daha sonra Məhsəti xanım postsovet dövründə geniş vüsat almış geni dəyişdirilmiş qida məhsullarının insanların və məxsusi uşaqların sağlamlığına vurduğu zərərdən bəhs etdi.

Tədbirdə UNİCEF - in əməkdaşı Məsmə xanım Xeyrullayeva, "Dəmir Yumruq Alfa-A" İctimai Birliyinin sədri Ülviyyə xanım Əsədova, "AY Media Company" MMC-nin Təsisçisi Almaz xanım Yaşar, Abşeron rayonunda fəaliyyət göstərən həssas qruplarla çalışan ictimai birlik sədrləri, Şəhid anaları və qazi ailələri, gənc valideynlər fəal şəkildə iştirak etdilər.
Layihə çərçivəsində hazırlanmış "Erkən uşaqlıq sonsuz imkanlar dövrüdür" adlı kitab seminar iştirakçılarına paylanıldı.

Rüstəm Rüstəmov
"AYMEDİACOMPANY.AZ"