Bu gün Azərbaycanın ilk qadın Şəhid jurnalisti Salatın Əsgərovanın anım günüdür. Mühəndislik ixtisası üzrə Neft-Kimya İnstitutunu bitirsə də, Salatın jurnalistikaya böyük həvəs göstərirdi. Xüsusən, 1988-ci ildə Qarabağ münaqişəsi alovlananda o görkəmli jurnalist Nəcəf Nəcəfovun baş redaktoru olduğu "Molodyoj Azerbaydjana" qəzetində fəaliyyətə başladı. Salatın qəzetin müxbiri kimi Qarabağın ən qaynar nöqtələrinə ezam olunaraq erməni separatçılarını ifşa edən məqalə və oçerklərin müəllifi idi. Respublikanın geniş oxucu kütləsi Salatını kəskin yazılarını həvəslə oxuyaraq "Molodyojka"nın növbəti nömrəsini səbirsizliklə gözləyirdi. Mən də o vaxtlar(1991-ci ildə) Azərbaycan Nəşriyyatında yerləşən "Salam" qəzetində çalışırdım. Yanvarın 9-da Salatının Laçın-Şuşa yolunda Qaladərəsi kəndinin yaxınlığında sovet hərbçiləri ilə bir yerdə pusquda qətlə yetirilməsi hamımızı şoka saldı. Salatın o vaxt bizim "OMONçuların"(Xüsusi Təyinatlı Polis Dəstəsi)erməni quldurlarının Xocalıda zərərsizləşdirilməsini ətraflı işlqlandırmışdı. O alçaqlar da bunu cavabsız qoymadılar...
1991-ci iln soyuq 10 yanvarı indiki kimi yadımdadır. Nəşriyyat işçilləri başda olmaqla ölkə içtimaiyyətinin görkəmli nümayəndələri igid qadın jurnalistimizi son mənzilə yola salırdı. 20 Yanvar qurbanlarından sonra Şəhidlər Xiyabanında dəfn olunan ilk Şəhid Salatın oldu. Bircə onu deyə bilərəm ki, Salatının qanı yerdə qalmadı. 32 ildən sonra Müstəqil Azərbaycanın Şanlı Ordusu Qarabağımızı azad etdi. Haylar da birdəfəlik torpaqlarımızdan itilib getdilər. Qaladərəsi kəndi isə ilk qadın Şəhid jurnalistimizin şərəfinə Salatınkənd adlandırıldı. Uca Tanrı Salatın xanımın o dünyasını mübarək etsin!
Rüstəm Rüstəmov
"AYMEDİACOMPANY.AZ"
