Azərbaycanlı tələbələr Birləşmiş Ərəb Əmirliklərində (BƏƏ) yerləşən Məhəmməd Bin
Rəşid Kosmik Mərkəzində (MBRSC) təcrübə proqramında iştirak edəcəklər.
Təcrübə proqramı Azərkosmosun nəzdində fəaliyyət göstərən KOSMİK Akademiyanın
təşkilatçılığı, İnnovasiya və Rəqəmsal İnkişaf Agentliyinin dəstəyi ilə həyata keçirilir.
Təcrübə proqramında Elm və Ali Təhsil üzrə Dövlət Agentliyinin SABAH qrupları
layihəsinin və Milli Aviasiya Akademiyasının bakalavr səviyyəsində kosmik, aerokosmik
mühəndislik, süni intellekt, STEM sahəsi üzrə biliyə sahib, həmçinin digər texniki
ixtisaslar üzrə təhsil alan tələbələri, həmçinin “Technest” təqaüd proqramının məzunları
iştirak edirlər.
Təcrübə proqramına başlamazdan əvvəl tələbələrlə Azərkosmosda keçirilən görüşdə
proqramın əhəmiyyəti haqqında məlumat verilib. Qeyd edilib ki, bu proqramda
tələbələrin kosmik tədqiqatlar, aerokosmik mühəndislik və qabaqcıl texnologiya
sahələrini dərindən öyrənmək fürsəti olacaq. Proqramı uğurla başa vuran tələbələrə
kosmos və texniki elmlər sahəsində təqaüd əldə etmək imkanı, eləcə də Kosmik
Mərkəzin elmi komandası ilə işləməyə davam etmək şansı veriləcək.
Kosmos, aerokosmik innovasiyalar və texniki fənlər üzrə təcrübə mübadiləsi proqramını
özündə birləşdirən bu “REU Boot Camp”ında tələbələr 7 gün ərzində proqram
çərçivəsində təlimlərdə və təcrübə sessiyalarında iştirak edəcəklər. Proqram daha sonra
müəyyən olunmuş xüsusi tədqiqat mövzusuna əsasən mentor tərəfindən verilən
tapşırıqların həll edilməsi ilə tamamlanacaq. Tələbələr kosmik, aerokosmik, eləcə də
innovasiya və texniki istiqamətlər üzrə analoq sistemləri, informasiya təhlükəsizliyi,
kompüter və elektronik mühəndislik, pilotların və astronavtların hazırlığı, BƏƏ Ay
Proqramı, BƏƏ Mars Missiyası, məsafədən idarəetmə sistemləri, peyklərin məsafədən
müşahidəsi prosesində “Python” proqram sistemlərinin tətbiqi, süni intellekt və
məsafədən müşahidə tətbiqləri, eləcə də ərəb dünyasının ilk qadın astronavtı olan Nora
Almatrouşi ilə master-klass fəaliyyətlərinə qatılacaqlar.
Təcrübə keçmiş tələbələr xüsusi sertifikatlarla təltif edilərək məzun statusu alacaqlar.
Qeyd edək ki, 2006-cı ildə yaradılan Məhəmməd Bin Rəşid Kosmik Mərkəzi BƏƏ-nin
“Milli Kosmik Proqramı”nın inkubatorudur. Mərkəz bir sıra müşahidə peyklərinin
yaradılması, inkişafı və istismarı, təsvir xidmətlərinin göstərilməsi, onların təhlili və
tədqiqi, eləcə də dünya üzrə elmi icmalar və tədqiqat mərkəzləri üçün müvafiq
məlumatların hazırlanması vəzifələrini icra edir. Mərkəzin qlobal məhsulları arasında
hazırlanmış “DubaiSat-1” və “DubaiSat-2” peykləri yer alır. Mərkəzin təşəbbüsləri
arasında 2021-ci ildə Mars orbitinə çatan ilk ərəb missiyası – “Emirates Mars” da var.
Missiyanın məqsədi Mars atmosferi haqqında mühüm elmi məlumatları toplamaqdan
ibarətdir.
Kosmik sahədə insan kapitalına yatırım məqsədilə Mərkəz 2017-ci ildə “Birləşmiş Ərəb
Əmirliklərinin Astronavt Proqramı”na start verib. 2019-cu ildə Beynəlxalq Kosmik
Stansiyaya (ISS) elmi missiya məqsədilə ilk Əmirlik astronavtı Hazzaa Al-Mansoori uçuş
reallaşdırıb. Xatırladaq ki, ötən il astronavt Hazzaa Al-Mansoori Bakıda keçirilmiş
Beynəlxalq Astronavtika Konqresinin “Astronavtlar Proqramı”nın aktiv iştirakçısı olub.
Rəşid Kosmik Mərkəzində (MBRSC) təcrübə proqramında iştirak edəcəklər.
Təcrübə proqramı Azərkosmosun nəzdində fəaliyyət göstərən KOSMİK Akademiyanın
təşkilatçılığı, İnnovasiya və Rəqəmsal İnkişaf Agentliyinin dəstəyi ilə həyata keçirilir.
Təcrübə proqramında Elm və Ali Təhsil üzrə Dövlət Agentliyinin SABAH qrupları
layihəsinin və Milli Aviasiya Akademiyasının bakalavr səviyyəsində kosmik, aerokosmik
mühəndislik, süni intellekt, STEM sahəsi üzrə biliyə sahib, həmçinin digər texniki
ixtisaslar üzrə təhsil alan tələbələri, həmçinin “Technest” təqaüd proqramının məzunları
iştirak edirlər.
Təcrübə proqramına başlamazdan əvvəl tələbələrlə Azərkosmosda keçirilən görüşdə
proqramın əhəmiyyəti haqqında məlumat verilib. Qeyd edilib ki, bu proqramda
tələbələrin kosmik tədqiqatlar, aerokosmik mühəndislik və qabaqcıl texnologiya
sahələrini dərindən öyrənmək fürsəti olacaq. Proqramı uğurla başa vuran tələbələrə
kosmos və texniki elmlər sahəsində təqaüd əldə etmək imkanı, eləcə də Kosmik
Mərkəzin elmi komandası ilə işləməyə davam etmək şansı veriləcək.
Kosmos, aerokosmik innovasiyalar və texniki fənlər üzrə təcrübə mübadiləsi proqramını
özündə birləşdirən bu “REU Boot Camp”ında tələbələr 7 gün ərzində proqram
çərçivəsində təlimlərdə və təcrübə sessiyalarında iştirak edəcəklər. Proqram daha sonra
müəyyən olunmuş xüsusi tədqiqat mövzusuna əsasən mentor tərəfindən verilən
tapşırıqların həll edilməsi ilə tamamlanacaq. Tələbələr kosmik, aerokosmik, eləcə də
innovasiya və texniki istiqamətlər üzrə analoq sistemləri, informasiya təhlükəsizliyi,
kompüter və elektronik mühəndislik, pilotların və astronavtların hazırlığı, BƏƏ Ay
Proqramı, BƏƏ Mars Missiyası, məsafədən idarəetmə sistemləri, peyklərin məsafədən
müşahidəsi prosesində “Python” proqram sistemlərinin tətbiqi, süni intellekt və
məsafədən müşahidə tətbiqləri, eləcə də ərəb dünyasının ilk qadın astronavtı olan Nora
Almatrouşi ilə master-klass fəaliyyətlərinə qatılacaqlar.
Təcrübə keçmiş tələbələr xüsusi sertifikatlarla təltif edilərək məzun statusu alacaqlar.
Qeyd edək ki, 2006-cı ildə yaradılan Məhəmməd Bin Rəşid Kosmik Mərkəzi BƏƏ-nin
“Milli Kosmik Proqramı”nın inkubatorudur. Mərkəz bir sıra müşahidə peyklərinin
yaradılması, inkişafı və istismarı, təsvir xidmətlərinin göstərilməsi, onların təhlili və
tədqiqi, eləcə də dünya üzrə elmi icmalar və tədqiqat mərkəzləri üçün müvafiq
məlumatların hazırlanması vəzifələrini icra edir. Mərkəzin qlobal məhsulları arasında
hazırlanmış “DubaiSat-1” və “DubaiSat-2” peykləri yer alır. Mərkəzin təşəbbüsləri
arasında 2021-ci ildə Mars orbitinə çatan ilk ərəb missiyası – “Emirates Mars” da var.
Missiyanın məqsədi Mars atmosferi haqqında mühüm elmi məlumatları toplamaqdan
ibarətdir.
Kosmik sahədə insan kapitalına yatırım məqsədilə Mərkəz 2017-ci ildə “Birləşmiş Ərəb
Əmirliklərinin Astronavt Proqramı”na start verib. 2019-cu ildə Beynəlxalq Kosmik
Stansiyaya (ISS) elmi missiya məqsədilə ilk Əmirlik astronavtı Hazzaa Al-Mansoori uçuş
reallaşdırıb. Xatırladaq ki, ötən il astronavt Hazzaa Al-Mansoori Bakıda keçirilmiş
Beynəlxalq Astronavtika Konqresinin “Astronavtlar Proqramı”nın aktiv iştirakçısı olub.
