Bu misraların müəllifi eyni zamanda 44 günlük Vətən müharibəsində yazılan şanlı tarixin səhifələrindən birinin də müəllifidir.

Hələ neçə il əvvəl dediyi bu sözün,bu arzunun gerçəkliyini yaşayan və bu sözün heç də gəlişigözəl söz olmadığını sübuta yetirən şəhid qəhrəmanımız Vüsal Allahverdiyevin anadan olmasının 33 cü ilində məzarı başında toplaşan hər kəs qarışıq duyğular içində idi.Bu gün 16 avqust şəhidimizin doğulub dünyanı şərəfləndirdiyi gündü.32 ad gününü səssiz-səmirsiz ailəsi,dostları ilə qeyd edən qəhrəmanımız bu gün böyük bir izdiham toplamışdı ətrafına.Sağlığında hamının “Ad günün mübarək” dediyi bir insanın ən mübarək ad günüdü bu gün…33 cü yaşını ən uca məqamda qeyd edirdi şəhidimiz.Onu bu məqama ürəyindəki vətən sevgisi ucaltmışdı.

Doğululduğu Qubadlı rayonunun işgal altında olması ilə barışa bilməyən Vüsal vətəninin azadlığa qovuşacağı günü gözləyir və vətən ugrunda savaş başlayarsa özü də bu savaşın ön sıralarında olacağından əmin idi.Bu əminlik nə onu nə də ondan bunu gözləyənləri yanıltmadı.Vətəni hər şeydən üstün tutan Vüsal Allahverdiyev şəhidliyi ilə bunu bir daha sübuta yetirdi.

Sumqayıt Şəhidlər Xiyabanında Şəhid Vüsal Allahverdiyevin xatirəsinə həsr olunmuş anım tədbiri şəhidin ruhuna hörmət və minnətdarlığın göstəricisi idi.Şəhidlər Xiyabanında toplaşan insanların üzündəki ifadələr həm belə bir qəhrəmanımız olduğunun qürurunu,həm də onu itirməyimizin acısını ifadə edirdi.Şəhidin təhsil aldığı Sumqayıt şəhər 23 nömrəli məktəbin müəllim və.şagird kollektivinin hazırladığı bədii-musiqili kompozisiyalar şəhidin ruhuna hörmətin dərin və sarsılmaz ifadəsini əks etdirirdi.Kiçik yaşlı məktəblilərin ifasında səsləndirilən mahnılar,şeirlər göstərirdi ki,Vüsal gələcək nəsilə nümunə olmağı bacarmışdır.

Tədbirdə çıxış edən Qubadlı rayon İcra Hakimiyyətinin nümayəndələri,idarə və müəssisə rəhbərləri şəhidin şərəfli ömür yolundan danışmış,adlarını xalqımıznın tarixinə qanları ilə yazmış şəhidlərimizin unudulmayacağını,gələcək nəsillərə qəhrəmanlıq nümunəsi olacaqlarını qeyd etmişlər.

Şəhidlərimizə həsr olunan belə tədbirlər xalqımızın milli-mənəvi dəyərlərə verdiyi qiymətin göstəricisidir.Allah vətənimizin azadlığı və bütövlüyü uğrunda canını fəda edən bütün şəhidlərimizə rəhmət eləsin.

AY MEDIA COMPANY

[/center]