1) Çağırsam gələrsənmi?
Göz yaşımı silərsənmi?
Yanımda qalarsanmı?
Yenə əvvəlki tək öpəm,oxşayam səni,
Laylay deyəm ,bolluca qoxlayam səni.
Oynayasan həyətdə, doyunca dostlarınla,
Oxuyasan hündürdən "Azərbaycan oğluyam,
Nəbiyəm,Koroğluyam".
Atan fəxrlə baxıb qürürlana bir anlıq,
Anan deyə sən mənim şirinim,şəkərimsən,
Yanaqları qırmızı ,dodaqları balımsan.
Beləcə keçə günlər şən,firavan ,bəxtəvər.
Çin olmayan yuxular görürəm deyəsən mən.
Nə gözəl olar ,Allah ,bu yuxum çin olaydı,
Ya da ki,oyanmayam bu dərin yuxudan mən.
Gedəm Cənnətə tərəf qovuşam oğluma mən...

2) Bir gün gəldin sevincək:
-Hərbi liseyə girdim,
Xeyir-dua ver ,ana,
-Allah xeyirini versin ,
Artıq nə deyim sənə?
Sən öz yolunu seçdin
Uğurlar olsun sənə.
Bu yolun başındasan
Yaman sevinclisən sən.
Qabaqda çətin günlər
Arxanda atan ,anan
Bir də ki,elin oban.
Sən güclüsən dağ kimi,
Vüqarlısan çinar kimi
Beləcə hazır oldun
Vətənə oğul kimi..
Oğul düşmən çəpəridi ,
Deməyiblər nahaq yerə.
Qan tökər,qisas alar o haqq yerə.
-Qisas vaxtı gəldi,ana ,getməliyəm dedin sən
Heç razılıq gözləmədin,
-Öncə Vətən !;dedin sən.
Vətən hər şeydən üstündü ,
-Bunu mənə sən öyrətdin,Anacan.
Get yolun açıq olsun,
Allah qorusun səni!.
Gözümün nurusan ,sən
Başımın tacısan ,sən
O dünyamın cənnəti
Bu dünyamın taxtısan!..

3) Bir gün dedin:
-Sən mənim cənnətimsən ,anacan,
Gəl öpüm ayaqlarından
Qoyub dizini yerə, öpdün ayaqlarımdan.
Bilməmişəm onda mən
Libasın hazır imiş Cənnət məkanlarında.
-Oğul,bəy kostyumu geyməli idin axı sən,
-Geydim cənnət libasını ,ana,bunu biləsən.
-Xonçaların tutulmadı ,ay bala
-Cənnətin gülləri xonçamdı ,ana,
Bu gülləri rəva qılıb Allah mənə.
-Xına yaxacaqdım axı mən sənə
-Xınadan da gözəl rənglər var burda
Kövsər bulağından su içəcəyəm,
Məsumlardı dostum,yoldaşım mənim.
-Anan qurban toy etmədim mən sənə,
-Mən qurbanam anam sənə,
Toyum oldu burda mənim,
İndi burda çox rahatam mən.
Qoy analar qurban olsun oğluna da
Cənnətdəki toyuna da..