Azərbaycanın və Özbəkistanın Xalq artisti, Dövlət mükafatı laureatı, uzun illər Əlişir Nəvai adına Özbəkistan Dövlət Opera və Balet Teatrının baş rejissoru olmuş soydaşımız Firudin Səfərov 26 iyul 2024-cü il tarixində, 91 yaşında Daşkənddə vəfat edib.
Firudin Səttar oğlu Səfərov 1933-cü il avqustun 1-də Bakı şəhərində anadan olub. Azərbaycan Dövlət Konservatoriyasında (indiki BMA) zərb alətləri üzrə təhsil alıb. 1953-cü ildən 1964-cü ilədək maestro Niyazinin rəhbərlik etdiyi Üzeyir Hacıbəyli adına Azərbaycan Dövlət Simfonik Orkestrində çalışıb. 1968-ci ildə N.A.Rimski-Korsakov adına Leninqrad (Sankt-Peterburq) Dövlət Konservatoriyasının Musiqili teatr rejissorluğu fakültəsini bitirib.
1968-ci ildə Azərbaycan Dövlət Akademik Opera və Balet Teatrında quruluşçu rejissor kimi fəaliyyətə başlayan F.Səfərov qısa müddətdə yüksək yaradıcılıq imkanlarına, dərin səhnə duyumuna malik olduğunu göstərə bilib. O, bu səhnədə populyar milli və klassik opera tamaşalarına quruluş verib, teatr aləmində bacarıqlı rejissor kimi nüfuz qazanıb. Azərbaycanda çalışdığı müddətdə 40-a yaxın dövlət səviyyəli tədbirin hazırlanması da F.Səfərova həvalə olunub.
Keçmiş ittifaq zamanında maraqlı işləri ilə ölkədə tanınan rejissor 1977-ci ildə Əlişir Nəvai adına Özbəkistan Dövlət Opera və Balet Teatrına dəvət alıb və bu teatrda fəaliyyətə başlayıb. Daşkənddə yaşadığı 47 il ərzində 60-a yaxın opera tamaşasına, o cümlədən P.İ.Çaykovskinin "Qaratoxmaq qadın", "İolanta", Q.Donisettinin "Sevgi şərbəti", C.Verdinin "Traviata", "Riqoletto", "Trubadur", C.Rossininin "Sevilya bərbəri", S.Prokofyevin "Odlu mələk" və başqa tamaşalara maraqlı səhnə həyatı verib.
O, Özbəkistanda keçirilən mədəni-kütləvi tədbirlərin də bədii rəhbəri və quruluşçu rejissoru olub, yaradıcı adamlar sırasında Azərbaycanı ləyaqətlə təmsil edib.
F.Səfərov Özbəkistanda çalışdığı vaxtlarda Azərbaycan Dövlət Akademik Opera və Balet Teatrı ilə əlaqələrini davam etdirib. Üzeyir Hacıbəylinin "Leyli və Məcnun", "Koroğlu", Vasif Adıgözəlovun "Natəvan", türk bəstəkarı Nevit Kodallının "Van Qoq" operalarına quruluş verib.
F.Səfərov həmçinin Türkiyə, Rusiya, Belarus, Qazaxıstan və Qırğızıstan opera teatrlarında tamaşalar hazırlayıb.
Rejissor Özbəkistanda peşəkar kadrların yetişdirilməsində də mühüm xidmətlər göstərib. O, uzun illər Muxtar Əşrəfi adına Daşkənd Dövlət Konservatoriyasının Opera hazırlığı fakültəsində bu istiqamətdə səmərəli iş aparıb. Bir çox gənc vokalçı ilk yaradıcılıq addımlarını məhz ustad rejissorun köməyi ilə atıb. F.Səfərov 2002-ci ildə Daşkənd Dövlət Konservatoriyasının professoru adına layiq görülüb.
Rejissorun 70, 80, 85 və 90 illik yubileyləri Daşkənddə yüksək səviyyədə qeyd olunub. İctimai və musiqi sahəsində uğurlu fəaliyyətinə görə Özbəkistanın “Əmək şöhrəti”, “Görkəmli xidmətlərə görə”, “Fədakar xidmətləri üçün” ordenlərinə, həmçinin Azərbaycanın və qardaş ölkənin “Xalq artisti” fəxri adına, Özbəkistanın Dövlət mükafatına layiq görülüb.
O, dünya azərbaycanlılarının Bakıda keçirilmiş qurultaylarının iştirakçısı olub,
Azərbaycan Prezidenti İlham Əliyevin müvafiq sərəncamı ilə diaspor quruculuğu sahəsindəki xidmətlərinə görə “Tərəqqi” medalı ilə təltif olunub.
Azərbaycan Respublikası Mədəniyyət Nazirliyinin kollektivi Firudin Səfərovun vəfatından kədərləndiyini bildirir, mərhumun ailəsinə və yaxınlarına dərin hüznlə başsağlığı verir.
Allah rəhmət eləsin.
Firudin Səttar oğlu Səfərov 1933-cü il avqustun 1-də Bakı şəhərində anadan olub. Azərbaycan Dövlət Konservatoriyasında (indiki BMA) zərb alətləri üzrə təhsil alıb. 1953-cü ildən 1964-cü ilədək maestro Niyazinin rəhbərlik etdiyi Üzeyir Hacıbəyli adına Azərbaycan Dövlət Simfonik Orkestrində çalışıb. 1968-ci ildə N.A.Rimski-Korsakov adına Leninqrad (Sankt-Peterburq) Dövlət Konservatoriyasının Musiqili teatr rejissorluğu fakültəsini bitirib.
1968-ci ildə Azərbaycan Dövlət Akademik Opera və Balet Teatrında quruluşçu rejissor kimi fəaliyyətə başlayan F.Səfərov qısa müddətdə yüksək yaradıcılıq imkanlarına, dərin səhnə duyumuna malik olduğunu göstərə bilib. O, bu səhnədə populyar milli və klassik opera tamaşalarına quruluş verib, teatr aləmində bacarıqlı rejissor kimi nüfuz qazanıb. Azərbaycanda çalışdığı müddətdə 40-a yaxın dövlət səviyyəli tədbirin hazırlanması da F.Səfərova həvalə olunub.
Keçmiş ittifaq zamanında maraqlı işləri ilə ölkədə tanınan rejissor 1977-ci ildə Əlişir Nəvai adına Özbəkistan Dövlət Opera və Balet Teatrına dəvət alıb və bu teatrda fəaliyyətə başlayıb. Daşkənddə yaşadığı 47 il ərzində 60-a yaxın opera tamaşasına, o cümlədən P.İ.Çaykovskinin "Qaratoxmaq qadın", "İolanta", Q.Donisettinin "Sevgi şərbəti", C.Verdinin "Traviata", "Riqoletto", "Trubadur", C.Rossininin "Sevilya bərbəri", S.Prokofyevin "Odlu mələk" və başqa tamaşalara maraqlı səhnə həyatı verib.
O, Özbəkistanda keçirilən mədəni-kütləvi tədbirlərin də bədii rəhbəri və quruluşçu rejissoru olub, yaradıcı adamlar sırasında Azərbaycanı ləyaqətlə təmsil edib.
F.Səfərov Özbəkistanda çalışdığı vaxtlarda Azərbaycan Dövlət Akademik Opera və Balet Teatrı ilə əlaqələrini davam etdirib. Üzeyir Hacıbəylinin "Leyli və Məcnun", "Koroğlu", Vasif Adıgözəlovun "Natəvan", türk bəstəkarı Nevit Kodallının "Van Qoq" operalarına quruluş verib.
F.Səfərov həmçinin Türkiyə, Rusiya, Belarus, Qazaxıstan və Qırğızıstan opera teatrlarında tamaşalar hazırlayıb.
Rejissor Özbəkistanda peşəkar kadrların yetişdirilməsində də mühüm xidmətlər göstərib. O, uzun illər Muxtar Əşrəfi adına Daşkənd Dövlət Konservatoriyasının Opera hazırlığı fakültəsində bu istiqamətdə səmərəli iş aparıb. Bir çox gənc vokalçı ilk yaradıcılıq addımlarını məhz ustad rejissorun köməyi ilə atıb. F.Səfərov 2002-ci ildə Daşkənd Dövlət Konservatoriyasının professoru adına layiq görülüb.
Rejissorun 70, 80, 85 və 90 illik yubileyləri Daşkənddə yüksək səviyyədə qeyd olunub. İctimai və musiqi sahəsində uğurlu fəaliyyətinə görə Özbəkistanın “Əmək şöhrəti”, “Görkəmli xidmətlərə görə”, “Fədakar xidmətləri üçün” ordenlərinə, həmçinin Azərbaycanın və qardaş ölkənin “Xalq artisti” fəxri adına, Özbəkistanın Dövlət mükafatına layiq görülüb.
O, dünya azərbaycanlılarının Bakıda keçirilmiş qurultaylarının iştirakçısı olub,
Azərbaycan Prezidenti İlham Əliyevin müvafiq sərəncamı ilə diaspor quruculuğu sahəsindəki xidmətlərinə görə “Tərəqqi” medalı ilə təltif olunub.
Azərbaycan Respublikası Mədəniyyət Nazirliyinin kollektivi Firudin Səfərovun vəfatından kədərləndiyini bildirir, mərhumun ailəsinə və yaxınlarına dərin hüznlə başsağlığı verir.
Allah rəhmət eləsin.
