Taxta oturduqdan sonra ispanları məğlub edərək İngiltərəni dünyanın ən əhəmiyyətli ölkəsinə çevirən kraliça I Yelizaveta 7 sentyabr 1533-cü ildə Qrinviçdə dünyaya gəlib.

7 sentyabr 1776-cı ildə dünyada ilk dəfə sualtı gəmi hücumu təşkil olundu. Müstəqillik müharibəsində amerikalıların əhəmiyyət vermədiyi və "tısbağa" adlandırdıqları sualtı gəmi New York Limanına lövbər salmış ingilis donanmasının bayraqdar gəmisi "HMS Eagle"ın altına zamana görə tənzimlənmiş bomba yerləşdirdi, lakin hücum müvəffəqiyyətsiz oldu.

7 sentyabr 1812-ci ildə Rusiyaya hücum edən Fransa imperatoru I Napoleonun ordusu ilə general Mixail Kutuzovun başçılıq etdiyi rus ordusu arasında Moskva yaxınlığındakı Borodino kəndində XIX əsrin ən qanlı döyüşlərindən biri baş verib. Borodino döyüşü ən qanlı birgünlük döyüşlərdən biri kimi tarixə düşüb. Ümumilikdə 250 mindən çox əsgərin iştirak etdiyi döyüşdə 90 minə yaxın insan həlak olub. Döyüşün nəticəsində hər iki tərəf öz istəyinə çata bilməyib. Belə ki, I Napoleon rus ordusunu darmadağın edə bilməyib. Ruslar isə fransızların Moskvanı ələ keçirməsinə mane ola bilməyiblər.

7 sentyabr 1822-ci ildə Portuqaliyanın Cənub Amerikadakı ən böyük müstəmləkəsi olan Braziliya müstəqilliyini elan edib. Ölkə 1889-cu ildə Braziliya Federativ Respublikası, 1891-ci ildə isə Braziliya Birləşmiş Ştatları adını aldı.

7 sentiyabr 1882-ci ildə Nyu-Yorkda bir məhəllə elektriklə təchiz olunur.

7 sentiyabr 1896-cı ildə Alman cərrah Lüdviq Rehn 22 yaşlı bağban Vilhelm Yustus üzərində tarixdə ilk uğurlu ürək əməliyyatını həyata keçirib.

7 sentyabr 1925-ci ildə Vyanada (Avstriya) keçirilən beynəlxalq konfransda Beynəlxalq Cinayət Polisi Komissiyası yaradılıb. 1946-cı ildə qurum İnterpol (Beynəlxalq Polis) adlandırılıb.

7 sentyabr 1927-ci ildə amerikan ixtiraçısı Filo Teylor Farnsuort (Philo Teylor Farnsworth) tamamilə elektron sistemlə işləyən ilk televiziyanı yaratdı.

7 sentyabr 1943-cü ildə İkinci dünya müharibəsi: İtaliya müttəfiqlərə təslim oldu.

7 sentyabr 1953-cü ildə Nikita Xruşşov SSRİ rəhbəri olur.

7 sentyabr 1956-ci ildə BMT köləliyi və qul ticarətini qadağan edən qətnamə qəbul edir.

7 sentyabr 1977-ci ildə ABŞ Prezidenti Cimmi Karter və Panamanın hərbi rəhbəri Omar Torrixos Panama kanalının 2000-ci ildə Panamanın tabeliyinə verilməsi ilə bağlı müqavilə imzalayıblar.

7 sentyabr 1940-cı ildə II Dünya müharibəsində Almaniyanın Hərbi Hava Qüvvələri Londonu hədəf alan və 57 gün fasiləsiz davam edən hava hücumlarına başladı. Bu bombardmanlara "The Blitz" adı verildi.

7 sentyabr 1991-ci ildə erməni təxribatçı dəstələri Dağlıq Qarabağın azərbaycanlı əhalisinə qarşı növbəti terror aktları həyata keçiriblər. İndiki Xocavənd rayonun Tuğ kəndinə silahlı basqın nəticəsində 2 sakin öldürülüb. Xankəndi yaxınlığında sərnişin avtobusunun atəşə tutulması nəticəsində isə 3 azərbaycanlı öldürülüb, 4 nəfər yaralanıb.

7 sentyabr 2011-ci ildə Rusiyanın Yaroslavl şəhərini təmsil edən “Lokomotiv” xokkey komandasının üzvlərini daşıyan “Yak-42” təyyarəsi havaya qalxdıqdan bir az sonra qəzaya uğrayaraq Volqa çayına düşüb. Göyərtədə olan 45 nəfərdən 44-ü həlak olub. Qəzadan sadəcə təyyarə mühəndisi Aleksandr Sizov sağ qurtulub.