7 oktyabr 1337-ci ildə İngiltərə kralı 3-cü Edvardın Fransa taxtı üçün haqq iddia etməsilə 116 il davam edəcək Yüz İl Müharibələri başlandı.
7 oktyabr 1737-ci ildə baş verən zəlzələnin səbəb olduğu dalğalar Hindistanda 300 min nəfərin həlakına gətirib çıxardı.
7 oktyabr 1769-cu ildə İngilis dəniz səyyahı Kapitan Kuk Yeni Zelandiya adalarını kəşf edib. Yerli sakinlər - maorilər iki böyük adadan ibarət olan Yeni Zelandiyanı “Aotearoa” adlandırırdılar ki, bu söz “Uzun ağ bulud torpağı” kimi tərcümə edilir.
7 oktyaqbr 1806-cı il. Karbon kağızına Ralf Vecvud tərəfindən ilk patent alınıb. Görmə məhdudiyyəti olan insanlar üçün nəzərdə tutulan stenoqrafiya yazı alətində istifadə edilən kağızın hər iki tərəfi istifadədən əvvəl mürəkkəblə isladılırdı.
7 oktyabr 1826-cı ildə ABŞ-da ilk dəmir yolu xətti istifadəyə verilmişdir.
7 oktyabr 1849-cu ildə şair və hekayə yazıçısı Edgar Allan Poe ABŞ-da 40 yaşında vəfat etdi.
7 oktyabr 1926-cı ildə İtaliyada Benito Mussolini başçılığındakı Faşist Partiyası dövlət partiyası olduğunu açıqladı, bütün müxalifət partiyaları qadağan olundu.
7 oktyabr 1949-cu ildə SSRİ-nin nəzarətində olan Şərqi Almaniyada müstəqil dövlətin – Almaniya Demokratik Respublikasının yarandığı elan edilib. Bundan öncə (23 sentyabr 1949-cu il) Qərb müttəfiqlərinin (ABŞ, Britaniya və Fransa) sektorunda Almaniya Federativ Respublikası yaranmışdı.
7 oktyabr 1950-ci ildə Çin Tibeti işğal etməyə başladı.
7 oktyabr 1952-ci ildə Rusiya Federasiyasının Prezidenti Vladimir Putin anadan olub. Vladimir Putin 1998-1999-cu illərdə Rusiya Federal Təhlükəsizlik Xidmətinin direktoru, 1999-cu ildə Təhlükəsizlik Şurasının sədri vəzifələrində işləyib. 1999-2000-ci illərdə Rusiya Federasiyası Hökumətinin sədri, 2000-2008-ci illərdə Rusiya dövlətinin başçısı olub. 2008-2012-ci illərdə Rusiya Federasiyasının Baş naziri vəzifəsində işləyən Vladimir Putin 2012-ci il mayın 7-də yenidən Rusiya Federasiyasının Prezidenti seçilib.
1963-cü ilin 7 oktyabr günü “Flora” qasırğası Haiti və Dominikan Cümhuriyyətində təsirli oldu, 7 min insan həyatını itirdi.
7 oktyabr 1970-ci ildə Riçard Nikson Vyetnam müharibəsinə son qoyacaq beş maddəlik sülh şərtlərini açıqlamışdır.
7 oktyabr 1991-ci ildə 17 Noyabr Terror Təşkilatı Türkiyənin Afina səfirliyi mətbuat attaşəsinin müavini Çətin Görgünü şəhid etdi.
7 oktyabr 1992-ci ildə Azərbaycan Ali Soveti MDB-yə daxil olmağın əleyhinə səs vermişdir.
7 oktyabr - Dünya təbəssüm günüdür. Amerikalı reklam meneceri Harvey Ball 1963-cü ildə məşhur “Smiley”, yəni gülümsəmə ikonasını hazırlayıb. Bu ikona bütün dünyada xoşbəxtlik və yaxşı niyyət simvoluna çevrilib. Elə bu səbəbdən də 1999-cu ildən oktyabrın ilk cüməsi Dünya təbəssüm günü kimi qeyd edilir.
7 oktyabr 2001-ci ildə ABŞ “Terrorla mübarizə” adı altında Əfqanıstanı bombalamağa başladı. 11 sentyabr terroruna cavab olan və ABŞ-nin əksər müttəfiqlərinin iştirak etdiyi “Əyilməz azadlıq” adlı əməliyyat 2002-ci ilin yanvarında Əfqanıstanda “Taliban” rejiminin süqutu ilə başa çatdı. 2021-ci ildə amerikalılar Əfqanıstanı tərk etdikdən sonra “Taliban” yenidən hakimiyyətə qayıtdı.
7 oktyabr 2002-ci ildə İsrail hərbi dəstələrinin Qəzzadakı Xan Yunisə etdiyi hücumda 14 fələstinli öldü, 110 nəfər isə yaralandı.
7 oktyabr 2003-cü ildə Kinoaktyor Arnold Şvartsenegger Kaliforniyanın qubernatoru seçilmişdir.
2015-ci ilin 7 oktyabr tarixində Prof. Dr. Əziz Sancar Nobel Kimya mükafatına layiq görülən ilk Türk oldu.
