Bir çoxlarının, eləcə də uşaqların yaddaşında Şurum-Burum kimi qalan Fərman Abdulcabbar oğlu Abdullayev 4 noyabr 1954-cü ildə Şəkidə anadan olub. Şəkili olduğundan ona Fərman Şəkili deyiblər.
Şəki Aktyorluq Məktəbində, Gürcüstanda Mixail Tumanaşvilinin aktyorluq kursunda təhsil alıb.
Uzun müddət Şəki Dövlət Teatrında çalışıb.
Tamaşaçılar onu ABA televiziyasında yayımlanan uşaq verilişindəki Şurum-Burum obrazı ilə tanıyıb və seviblər. Klounada sənətini ilk dəfə o, Azərbaycana gətirib. Tədbirlərdə, ad günü və toylarda rastlaşdığı klounlar onu görəndə ayaqlarını cütləyib, hərbi salam veriblər.
Azərbaycan pantomima tarixində ilk tamaşanı da Fərman Şəkili hazırlayıb. 1980-ci illərin əvvələrində oynanılan “Dahi” adlı pantomim pyesin müəllifi olub.
Bakının teatr ictimaiyyəti Teatr Xadimləri İttifaqının Monotamaşalar festivalında Fərman Şəkilini “Hamlet” tamaşası ilə kəşf edir. Festivalın Qran-prisini qazansa da ona mükafatda nəzərdə tutulan məbləği vermirlər. Amma əvəzində Fərman Şəkilinin Azərbaycan kino teatr məkanında heç kimdə olmayan “Teatr fədaisi” adı var.
Fərman Abdullayev rejissoru və ssenari müəllifi özü olan “Mışovul” filminə çəkilib ki, bu film müxtəlif səbəblərdən ekrana çıxmayıb.
Amma efirdə göstərilən “Fransız”da da, “Yalan”da da, “Həm ziyarət, həm ticarət”də də, lap elə “Sarı gəlin”də də Fərman Abdullayevin yaratdığı obrazlar bir-birindən kəskin fərqlənib. Filmoqrafiyasında “Aşkarsızlıq şəraitində...” (film, 1986), “Boş yer” (film, 1989), “Zirzəmi” (film, 1990), "Fransız" (film, 1995), “Həmziyarət, həmticarət” (film, 1995), “Yarımştat” (teletamaşa, 1996), “Min birinci söz” (film, 1997), “Otel otağı” (film, 1998), “Sarı gəlin” (film, 1998), “Mişovul ovu” (film, 2001), “Bir anın həqiqəti” (film, 2003), “Yalan” (film, 2005), “Günaydın, mələyim!” (film, 2008), “Komediya səhnəsi” (veriliş, 2009), “İstanbul reysi” (film, 2010) filmləri yer alıb.
Fərman Şəkili 11 ay xərçəng xəstəliyi ilə mübarizə apardıqdan sonra 5 mart 2013-cü ildə, 58 yaşında vəfat edib.
Şəki Aktyorluq Məktəbində, Gürcüstanda Mixail Tumanaşvilinin aktyorluq kursunda təhsil alıb.
Uzun müddət Şəki Dövlət Teatrında çalışıb.
Tamaşaçılar onu ABA televiziyasında yayımlanan uşaq verilişindəki Şurum-Burum obrazı ilə tanıyıb və seviblər. Klounada sənətini ilk dəfə o, Azərbaycana gətirib. Tədbirlərdə, ad günü və toylarda rastlaşdığı klounlar onu görəndə ayaqlarını cütləyib, hərbi salam veriblər.
Azərbaycan pantomima tarixində ilk tamaşanı da Fərman Şəkili hazırlayıb. 1980-ci illərin əvvələrində oynanılan “Dahi” adlı pantomim pyesin müəllifi olub.
Bakının teatr ictimaiyyəti Teatr Xadimləri İttifaqının Monotamaşalar festivalında Fərman Şəkilini “Hamlet” tamaşası ilə kəşf edir. Festivalın Qran-prisini qazansa da ona mükafatda nəzərdə tutulan məbləği vermirlər. Amma əvəzində Fərman Şəkilinin Azərbaycan kino teatr məkanında heç kimdə olmayan “Teatr fədaisi” adı var.
Fərman Abdullayev rejissoru və ssenari müəllifi özü olan “Mışovul” filminə çəkilib ki, bu film müxtəlif səbəblərdən ekrana çıxmayıb.
Amma efirdə göstərilən “Fransız”da da, “Yalan”da da, “Həm ziyarət, həm ticarət”də də, lap elə “Sarı gəlin”də də Fərman Abdullayevin yaratdığı obrazlar bir-birindən kəskin fərqlənib. Filmoqrafiyasında “Aşkarsızlıq şəraitində...” (film, 1986), “Boş yer” (film, 1989), “Zirzəmi” (film, 1990), "Fransız" (film, 1995), “Həmziyarət, həmticarət” (film, 1995), “Yarımştat” (teletamaşa, 1996), “Min birinci söz” (film, 1997), “Otel otağı” (film, 1998), “Sarı gəlin” (film, 1998), “Mişovul ovu” (film, 2001), “Bir anın həqiqəti” (film, 2003), “Yalan” (film, 2005), “Günaydın, mələyim!” (film, 2008), “Komediya səhnəsi” (veriliş, 2009), “İstanbul reysi” (film, 2010) filmləri yer alıb.
Fərman Şəkili 11 ay xərçəng xəstəliyi ilə mübarizə apardıqdan sonra 5 mart 2013-cü ildə, 58 yaşında vəfat edib.
