8 noyabr 1520-ci ildə Danimarka Kralı 2-ci Kristianın göstərişilə İsveç zadəganlarına qarşı “Stokholm qətliamı” həyata keçirilmişdi. Qətliam nəticəsində Danimarka ilə İsveç arasında müharibə başlandı.
8 noyabr 1793-cü ilyə Parisdə dünya şöhrətli Luver muzeyi açıldı. Muzey 13-cü əsrin əvvəllərində bir qala olaraq tikilib.
1895-ci il 8 noyabr alman fiziki Vilhelm Rentgen (1845-1923) elektriklə eksperimentlər zamanı X-şüalar adlandırdığı şüanı kəşf edib. Sonralar bu şüa alimin şərəfinə rentgen adlandırılıb. V.Rentgen Nobel mükafatına layiq görülmüş (1901) ilk fizikdir.
1917-ci il 8 noyabr tarixində Lenin Sovet Rusiyası hökumətinin sədri olmuşdur.
1922-ci il 8 noyabr tarixində Cənubi afrikalı cərrah və ictimai xadim Kristian Barnard (1922-2001) anadan olub. O, 1967-ci il dekabrın 3-də dünyada il dəfə insandan insana ürək köçürüb. Əməliyyatın qüsursuz yerinə yetirilməsinə baxmayaraq, pasiyent cəmi 18 gün yaşayıb.
8 noyabr 1923-cü ildə Almaniyanın Bavyera əyalətində Adolf Hitler və tərəfdaşları Əyalət İdarəsində çevriliş həyata keçirməyə cəhd etdi, ancaq uğurlu ola bilmədi. Alman siyasi tarixində “Pivə çevrilişi” kimi yer alacaq təşəbbüs nəticəsində Hitler və yoldaşları yaxalanaraq həbs edildi. Hitler daha sonra nasizmin stolüstü kitabı olan “Mənim mübarizəm” kitabını həbsxanada olduğu zaman yazdı. Hitlerin başçılığında təşkilatlanan nasistlər düz 9 ildən sonra həmin gün keçirilən seçkilərdə 196 millət vəkili qazanaraq Alman Parlamentində birinci partiya oldu.
1933-cü il 8 noyabr tarixində Əfqanstanda Nadir şah qətlə yetirildikdən sonra hakimiyyətə onun oğlu Zahir şah gəlmişdir. “Millət atası” hesab edilən Zahir şahın hakimiyyət dövrü Əfqanıstanda sabitlik və inkişafla xarakterizə olunur.
1935-ci il 8 noyabr tanınmış fransız aktyoru və rejissoru Alen Delonun doğum günüdür. O, Fəxri legion ordeninin zabitidir.
1956-cı il 8 noyabr tarixində BMT sovet qoşununun Macarıstandan çıxarılmasını tələb etmişdir.
1960-cı il 8 noyabr tarixində Con Kennedi ABŞ prezidenti seçilmişdir.
8 noyabr 1988-ci ildə Çinin cənub-qərbindəki Yunnan əyalətində 7,2 bal gücündə zəlzələ baş verdi. Zəlzələ nəticəsində 730 nəfər həyatını itirdi, 400 min evə ziyan dəydi.
8 noyabr 1992-ci ildə Almaniyanın paytaxtı Berlində artan irqçi siyasətlərə qarşı ölkə tarixinin ən böyük nümayişlərindən biri keçirildi. 350 minə yaxın adam nümayişdə iştirak etdi.
8 noyabr 2000-ci ildə Türkiyənin Avropa İttifaqına (Aİ) üzvlüyü üçün yol xəritəsi xüsusiyyətindəki “İştirakçı sənədi” rəsmi olaraq elan edildi.
2000-ci il 8 noyabr tarixində Avropa Şurası Nazirlər Komitəsinin sessiyasında Azərbaycanın Avropa Şurasına dəvət edilməsi haqqında qətnamə qəbul edilib. Sənədə görə, Avropa Şurasının Parlament Assambleyasında (AŞPA) Azərbaycana 6 yer ayrılıb. 2001-ci il yanvarın 25-də Azərbaycan rəsmi surətdə AŞPA-ya daxil olub.
Bakı Metropoliteni işçilərinin peşə bayramı günüdür. Həmin gün Azərbaycan Prezidenti İlham Əliyevin 2006-cı il 28 oktyabr tarixli Fərmanı ilə Bakı Metropoliteninin işə salınmasının 40 illik yubileyi münasibətilə təsis edilib. Hazırda Bakı Metropolitenində 25 stansiya var, onun xətlərinin ümumi uzunluğu 36,7 kilometrdir.
