Bu gün Azərbaycan peşəkar diktor məktəbinin yaradıcısı Aydın Qaradağlının anım günüdür.

Aydın Qaradağlı 1929-cu ilin 20 avqustunda Qubada anadan olub. O, 1946-cı ilin dekabr ayının 18-dən Radiolaşdırma və Radio Verilişləri Komitəsi Radioinformasiya Komitəsinin, 1954-cü ildən Mədəniyyət Nazirliyinin Radioinformasiya İdarəsinin, 1957-ci ildən Azərbaycan SSR Nazirlər Soveti yanında Radio və Televiziya Verilişləri Komitəsinin, 1970-ci ildən Azərbaycan SSR Nazirlər Soveti yanında Dövlət Radio və Televiziya Verilişləri Komitəsinin diktoru işləyib.

Ustaclı elinin Toxmaqlı oymağına mənsub, Qızılbaşlar dövlətinin ya­ran­ma­sında önəmli rol oynamış Qaradağlılar nəsli Osmanlı Türkiyəsinin Sivas vi­la­yə­tin­dən İranın (Cənubi Azərbaycanın) Qaradağ mahalına XVI əsrin əvvəllərində Şah İs­mayıl Xətaiyə dəstək olaraq köçüb-gəlib. Qaradağ xanlığı yaranandan bu xanlığın xanları Aydının babaları olublar. 1826-1828-ci illərdə baş ve­rən II rus-İran müharibəsindən sonra Qaradağ xanı Məhəmmədqulu xan Qa­ra­da­ğın Əhər şəhərindən Şimali Azərbaycana rəiyyəti ilə birgə köçür. Hazırda hə­min rəiyyətin Azərbaycanda saldığı on səkkiz, Dağıstanda iki Qaradağlı adın­da yaşayış məntəqəsi var. Məhəmmədqulu xan ailəsi ilə Şuşada məskən salır. 1835-ci ildə Mə­həm­məd­qulu Xanqaradağskiyə polkovnik rütbəsi verilir. 1840-cı ildə dünyasını də­yi­şir.

Onun Həsənəliağa və Məhəmmədhüseynağa adlı oğulları və Sara xanım ad­lı qızı olub. Çar ordusunda poruçik rütbəsində xidmət edən Həsənəliağa oğ­lu­nun dünyaya gəlişini görmədən 1847-ci ildə vəfat edir. Bu səbəbdən oğlunun adı­nı da Həsənəliağa qoyublar, el arasında isə ona "Balaca ağa" deyərək mü­ra­ci­ət edərmişlər.

Aydın Qaradağlının babası olan Balaca Həsənəliağa gör­kəm­li maa­rif­çi, pe­da­qoq, şa­ir, tər­cü­mə­çi, ədə­biyyatşünas, tarixçi, xəttat Hə­sə­nə­liağa­ Xanqa­ra­dağs­ki­dir. O, Şu­şa­da "Məc­lisi-fə­ra­mü­şan" ədə­bi məc­li­si­nin ən fə­al üzv­lə­rin­dən biri kimi Mir­ Möh­sün Nəv­vab, Xur­şid­ba­nu Na­tə­van, Sə­di Sa­ni Qa­ra­ba­ği ki­mi şa­ir­lər ilə tə­rə­fi mü­qa­bil olub, məşhur on "Qarabağnamə"dən biri onun qə­lə­min­dən çıxıb.

Aydın Qaradağlının atası Çin­giz Hə­sə­nə­li­ oğ­lu Qaradağlı müxtəlif məs­ul və­zifələrdə işləməsinə rəğ­mən, əsas etibarilə müəllim olub.

Aydın Qaradağlının anası Talıblı Gülsüm Həşim qı­zı Bakı şəhərində fəh­lə ai­lə­sin­də ana­dan olub, müxtəlif məsul vəzifələrdə çalışıb.

1928-ci il. Bakıda təşkil olunmuş özfəaliyyət teatrların birində Cəfər Cab­barlının "Aydın" pyesi qoyulurdu. Gültəkini Gülsüm Talıblı, Aydını isə Çin­giz Qaradağlı ifa edirdilər. Gənclər təkcə səhnədə deyil, həyatda da talelərini bağ­lamış olurlar. Onlar ailə həyatı qururlar, 1929-cu ilin 20 avqustunda dünyaya bir uşaq göz açır. Ta­nış­lıq­larının səbəbkarı böyük Cəfər Cabbarlının "Aydın"ı uşağın hansı ad dayışacağını mü­əy­yən­ləş­dir­di...

Aydın Qaradağlı 1980-ci il yanvar ayının 28-də Bakıda vəfat edib.