Əliağa Kürçaylı 1928-ci il fevralın 20-də Salyan rayonu Kür Qaraqaşlı kəndində doğulub. O, ortaməktəbin 9-cu sinfindən çıxaraq, Zaqafqaziya dəmiryolu idarəsinin Salyan şöbəsində mühasib işləyib. Bakı dəmir yolu texnikumunda birillik mühasiblər kursunda oxuduqdan sonra baş mühasib olub, Salyan dram teatrında eyni vəzifəyə dəyişilib (1946-1947). Bu dövrdə onda poeziyaya güclü maraq oyanıb.
“Sənin gözlərin” adlı ilk şeiri ilə (“Azərbaycan gəncləri”, 1946) ədəbiyyata gəlişi uğurlu olub, mərkəzi və respublika dövri mətbuatda müntəzəm çıxış edib. Salyan radio qovşağında redaktor işləyib, gənc yazıçıların I Respublika müşavirəsində iştirak edib (1947). Bakıda fəhlə gənclər orta məktəbinin son sinfini bitirib ADU-nun filologiya fakültəsinə daxil olub. Onu M.Qorki adına Ədəbiyyat İnstitutuna təhsil almağa göndərirlər, ab-havası düşmədiyindən geri qayıdıb universitetdə təhsilini davam etdirir (1949-1954), eyni zamanda “Kommunist” qəzeti redaksiyasında ədəbi işçi, “Ədəbiyyat və incəsənət” qəzetində şöbə müdiri (1953-1955) işləyir. Moskvada ali ədəbiyyat kursunun dinləyicisi (1955-1957), “Azərbaycan gəncləri” qəzeti redaksiyasında şöbə müdiri (1959-1965), “Azərbaycan” jurnalı redaksiyasında məsul katib, Azərbaycan Yazıçılar İttifaqı nəşriyyat şöbəsinin rəisi (1965-1966), “Literaturnıy Azerbaydjan” jurnalı redaksiyasında məsul katib, Azərbaycan Dövlət Nəşriyyatında redaktor (1966-1967) işləyib, sonra bir müddət yaradıcılıq fəaliyyəti ilə məşğul olub, Yazıçılar İttifaqında dramaturgiya bölməsinə rəhbərlik edib (1975), “Yazıçı” nəşriyyatında (1978-ci ilin mayından ömrünün axırınadək) baş redaktor olub.
Əliağa Kürçaylı “Arifin bağçası” (1953), “Səfərə çıxıram” (1956), “Cavabsız məktublar” (1960), “Nargindən əsən külək” (1961), “Səfərə çıxmıram” (1965), “Durnalar cənuba uçur”, “Həyatın dolayları” (1973), “Dünya ovcumdadır” (1976), “Ülkər”(1980), “Qəlbin sıxılsa əgər...” (1987), “Seçilmiş əsərləri” (2004) və s. kitabların müəllifidir.
O, həmçinin Sergey Yesenin “Şeirlər və poemalar” (1965), Dante Aligyeri “İlahi Komediya” (1973) kimi əsərləri azərbaycan dilinə tərcümə edib.
Ə.Kürçaylı 1979-cu ildə Azərbaycan SSRİ əməkdar incəsənət xadimi adına layiq görülüb.
Əliağa Kürçaylı 1980-ci il fevralın 11-də vəfat edib.
“Sənin gözlərin” adlı ilk şeiri ilə (“Azərbaycan gəncləri”, 1946) ədəbiyyata gəlişi uğurlu olub, mərkəzi və respublika dövri mətbuatda müntəzəm çıxış edib. Salyan radio qovşağında redaktor işləyib, gənc yazıçıların I Respublika müşavirəsində iştirak edib (1947). Bakıda fəhlə gənclər orta məktəbinin son sinfini bitirib ADU-nun filologiya fakültəsinə daxil olub. Onu M.Qorki adına Ədəbiyyat İnstitutuna təhsil almağa göndərirlər, ab-havası düşmədiyindən geri qayıdıb universitetdə təhsilini davam etdirir (1949-1954), eyni zamanda “Kommunist” qəzeti redaksiyasında ədəbi işçi, “Ədəbiyyat və incəsənət” qəzetində şöbə müdiri (1953-1955) işləyir. Moskvada ali ədəbiyyat kursunun dinləyicisi (1955-1957), “Azərbaycan gəncləri” qəzeti redaksiyasında şöbə müdiri (1959-1965), “Azərbaycan” jurnalı redaksiyasında məsul katib, Azərbaycan Yazıçılar İttifaqı nəşriyyat şöbəsinin rəisi (1965-1966), “Literaturnıy Azerbaydjan” jurnalı redaksiyasında məsul katib, Azərbaycan Dövlət Nəşriyyatında redaktor (1966-1967) işləyib, sonra bir müddət yaradıcılıq fəaliyyəti ilə məşğul olub, Yazıçılar İttifaqında dramaturgiya bölməsinə rəhbərlik edib (1975), “Yazıçı” nəşriyyatında (1978-ci ilin mayından ömrünün axırınadək) baş redaktor olub.
Əliağa Kürçaylı “Arifin bağçası” (1953), “Səfərə çıxıram” (1956), “Cavabsız məktublar” (1960), “Nargindən əsən külək” (1961), “Səfərə çıxmıram” (1965), “Durnalar cənuba uçur”, “Həyatın dolayları” (1973), “Dünya ovcumdadır” (1976), “Ülkər”(1980), “Qəlbin sıxılsa əgər...” (1987), “Seçilmiş əsərləri” (2004) və s. kitabların müəllifidir.
O, həmçinin Sergey Yesenin “Şeirlər və poemalar” (1965), Dante Aligyeri “İlahi Komediya” (1973) kimi əsərləri azərbaycan dilinə tərcümə edib.
Ə.Kürçaylı 1979-cu ildə Azərbaycan SSRİ əməkdar incəsənət xadimi adına layiq görülüb.
Əliağa Kürçaylı 1980-ci il fevralın 11-də vəfat edib.
