1811-ci ildə ingilis kimyaçısı Hemfri Devi kəşf etdiyi qazın - xlorun xüsusiyyətləri haqqında məlumat verib.
1842-ci ildə amerikalı Con Qrinou tikiş maşını üçün ABŞ-ın ilk patentini alıb.
1848-ci il 21 fevral tarixində Londonda Karl Marks və Fridrix Engelsin birgə yazdığı "Kommunist Partiyasının Manifesti" əsəri çapdan çıxmışdır.
1878-ci ildə ABŞ-da, Nyu-Heyven şəhərində (Konnektikut ştatı) dünyanın ilk telefon məlumat kitabçası nəşr olunub. Bu kitabçada telefonları olan 50 fiziki şəxs, müəssisə və digər ofislər bardə məlumatlar qeyd edilib.
Dünyanın ən hündür tikilisi olan Vaşinqton Abidəsi (Vaşinqton DC) 1885-ci ilin bu günü tamamlanıb. ABŞ-da yerləşən və Vaşinqtonun mühüm simvollarından biri olan bu abidənin uzunluğu 169,35 metrdir. Abidə ölkənin banisi Corc Vaşinqtonun (George Washington) şərəfinə tikilib.
1921-ci il 21 fevral tarixində Azərbaycanın Xalq Rəssamı, professor, Dövlət Mükafatı Laureatı, “Şöhrət” ordenli Böyükağa Mirzəzadə (1921-2007) anadan olub. Onun boyakarlıq, qrafika, ssenoqrafiya rəssamlığı kimi janrlarda yaratdığı əsərlər Azərbaycan təsviri sənəti tarixində özünəməxsus yer tutur.
21 fevral 1927-ci ildə “TIME” jurnalı Türkiyə Cümhuriyyətinin banisi və ilk Cümhurbaşqanı Mustafa Kamal Atatürkün şəklini ikinci dəfə üzqabığında əks etdirib.
Fransa missionerlərinin Türkiyədə yaratdığı bəzi məktəblər 1935-ci ilin 21 fevralından başlayaraq dövlət balansına keçirildi və milliləşdirildi.
1940-cı il 21 fevral tarixində Hitler Almaniyasında ilk kütləvi ölüm düşərgəsinin - Osvensimin tikintisinə başlanıb. Düşərgə 1945-ci il yanvarın 27-də sovet qoşunları tərəfindən azad edilib. Düşərgənin azad olunduğu gün BMT tərəfindən Holokost qurbanlarının Beynəlxalq Anım Günü elan edilib. 1941-1945-ci illərdə Osvensimdə təqribən 1,4 milyon adam, o cümlədən 1,1 milyonadək yəhudi məhv edilib.
1952-ci ilin 21 fevralında Türkiyə Şimali Atlantika Müqaviləsi Təşkilatının – NATO-nun üzvü kimi Lissabonda keçirilən tədbirdə ilk dəfə iştirak etdi.
1953-cü ilin 21 fevralında DNT-nin molekul quruluşu açıqlanıb. Bunu ingilis bioloqu Frensis Krik və Ceyms D.Uatson müəyyən edib. Alimlər bu uğura görə 1962-ci ildə Nobel Fiziologiya və Tibb Mükafatını alıblar.
1958-ci ilin bu günü Türkiyədə Peşəkar Futbol Liqası başlanıb: ilk oyun İzmirspor və Beykoz arasında oynanılıb. İzmirsporun 2-1 hesabı ilə qazandığı matçda Özcan Altuğ liqa tarixinin ilk qolunu atıb.
1965-ci ilin 21 fevralında “Amerikada müsəlman qaralar hərəkatı”nın öndərlərindən olan, Malkolm İks (Malcolm X) adıyla tanınan Malikə əl-Şahbaz Nyu-Yorkda bir bal salonunda çıxışı zamanı sui-qəsd nəticəsində öldürülüb.
21 fevral 1973-cü ildə İsrailə məxsus döyüş təyyarəsi Liviya hava yollarına məxsus təyyarəni Sinay səhrası üzərində düşürdü. Hadisədə təyyarədəki 108 nəfər həyatını itirdi.
Azərbaycanın görkəmli alimi, akademik Ziya Bünyadovun xatirə günüdür. İkinci Dünya Müharibəsi Qəhrəmanı olan Ziya Bünyadov cəbhədən qayıtdıqdan sonra bütün ömrünü Azərbaycan tarix elminin inkişafına həsr edib, eyni zamanda, görkəmli şərqşünas olaraq tanınıb. Bir neçə xarici dil bilən, Azərbaycan Milli Elmlər Akademiyasının vitse-prezidenti və Milli Məclisin deputatı olmuş Ziya Bünyadov Azərbaycan tarixi ilə bağlı çox sayda və sonrakı nəsillərə mənbə rolunu oynayan dəyərli əsərlər yazıb. (1921-1997)
21 fevral UNESCO-nun Baş Konfransının 1999-cu il noyabrın 17-də elan etdiyi və 2000-ci ildən hər il qeyd olunan Beynəlxalq Ana Dili Günüdür. Bu günün tarixi 1952-ci il fevralın 21-də Dəkkədə (hazırda Banqladeşin paytaxtı) baş vermiş faciəli hadisələrin qurbanlarına ehtiram əlaməti olaraq seçilib. Həmin gün tələbələr ana dilləri olan benqal dilinin müdafiəsinə qalxaraq nümayişə çıxıblar. Benqal dilinin dövlət dillərindən biri kimi qəbul olunmasını tələb edən tələbələr polislər tərəfindən odlu silahla qətlə yetiriliblər.
Türkiyədə "Qara çərşənbə" adlandırılan böyük bir iqtisadi böhran 2001-ci ilin 21 fevralında ən yüksək həddinə çatdı.
2012-ci il. Bakıda Azərbaycan Prezidenti İlham Əliyevin iştirakı ilə xalq qəhrəmanı Koroğlunun abidəsinin açılışı mərasimi olub. Abidənin müəllifi Azərbaycanın Xalq Rəssamı Tokay Məmmədovdur.
