Məlumdur ki, Ulu Öndər Heydər Əliyev həm daxili, həm də xarici siyasətdə
strateji addımlar ataraq ölkəmizin dirçəlməsində mühüm rol oynamışdır. Bu gün
onun qoyub getdiyi irsi uğurla davam etdirən Cənab Prezident İlham Əliyev doğru
siyasi mövqeyi ilə Azərbaycanı bütün dünyada tanıtdırmışdır.
Prezidentimizin xarici mediaya verdiyi müsahibələrdə də müşahidə edirik ki,
Azərbaycan bir çox sahələrdə müasir standartlara uyğunlaşaraq yeni enerji
mənbələrinə keçid edir. Belə ki, ənənəvi enerjidən bərpaolunan enerjiyə keçid ölkə
tarixində mühüm yenilikdir. Bu həm də bir çox xarici nümayəndəliklərin iştirak etdiyi
COP29-a sahiblik edən ölkə üçün zəruri bir keçid prosesi hesab olunur.
Ötən ilin payızında ölkədə ilk Günəş enerji stansiyasının açılışı və önümüzdəki
6 ildə 5 qiqavata qədər gücü olan enerji sistemlərinin nəzərdə tutulması bu prosesin ilk
addımları olmuşdur və onun əhəmiyyətini bir daha sübut edir.
Həmçinin bu uğurlu siyasətdə ölkəmizin bir çox xarici sərmayədarlarının
olması Azərbaycanın dünya ölkələri arasında nüfuzunu təsdiq edir. Belə ki, bir çox
xarici şirkətlər bu siyasətin əsas sərmayədarları hesab olunur. Cənab Prezident İlham
Əliyevin də müsahibələrində bildirdiyi kimi, əsas məqsəd sərmayədarların verdiyi
enerjini mümkün qədər qəbul etmək iqtidarında olmaqdır.
Bu sahədə Bakıda keçirilən konfranslar da mühüm əhəmiyyət kəsb edir. 1994-
cü ildən bəri keçirilən bu tədbirlərdə yerli və xarici nümayəndələr iştirak etmişdir..
Təkcə Bakı Enerji Həftəsində 37-dən çox ölkədən 300-ə qədər xairici nümayəndələr
gəlmişdir. Bu isə öz növbəsində tədbirin unikallığını və onun gücünü nümayiş etdirir.
Tədbir vasitəsilə qısa müddət ərzində bir çox istiqamətlərdə, xüsusilə, yaşıl enerji
sahəsindəki uğurları görmək mümkündür.
Yaxın zaman ərzində keçirlməsi nəzərədə tutulan və Azərbaycanın ev sahibliyi
etdiyi Cop 29-da da əsas məqsəd birliyi və həmrəyliyi nümayiş etdirməkdir.
Planetimizin qorunmasında ölkələr və şirkətlər arasında müsbət mühit yaratmaq,
iddiaları kənara qoymaq bu gün Azərbaycanın əsas prioritetidir.
Maştağa qəsəbəsi, 128 nömrəli tam orta məktəbin
Azərbaycan dili və ədəbiyyat müəllimi Səkinə Əliyeva
