AYMEDIACOMPANY.AZ xəbər verir ki, Bakı şəhərinin Xətai rayonu, Polad Həşimov küçəsində sakinləri narahat edən yol və kanalizasiya problemləri hələ də gündəmdədir. Ərazidə yaşayan vətəndaşlar mövcud vəziyyətdən narazılıqlarını bildirir, aidiyyəti qurumların diqqətini problemlərin həllinə yönəltməyə çağırırlar.

AYMEDIACOMPANY.AZ-ın jurnalisti Fəxri Nəsirli sözügedən ərazidə olub, sakinlərlə görüşüb və onların şikayətlərini yerində dinləyib.

Sakinlərin sözlərinə görə, yolun vəziyyəti gündəlik həyatda ciddi çətinliklər yaradır. Xüsusilə məktəbli uşaqların məktəbə gedib-gələrkən yolu keçməkdə çətinlik çəkməsi valideynlərin narahatlığını artırır. Vətəndaşlar uşaqların təhlükəsiz hərəkətinin təmin olunmasını və yol probleminin aradan qaldırılmasını istəyirlər.

Bununla yanaşı, ərazidə kanalizasiya sisteminin də işləməməsi sakinlərin narazılığına səbəb olur. Vətəndaşlar yol və kanalizasiya problemlərinin həlli üçün aidiyyəti qurumların məsələyə diqqət ayırmasını, mövcud vəziyyətin araşdırılmasını və zəruri tədbirlərin görülməsini tələb edirlər.

Sakinlər bildirirlər ki, məsələ ilə bağlı aidiyyəti qurumlara müraciət etsələr də, problemlər hələ də həllini tapmayıb. Onlar sual edirlər: Vətəndaşların müraciətləri nə zaman nəticə verəcək? Uşaqlar daha nə qədər məktəbə gedib-gələrkən çətinliklərlə üzləşməli, sakinlər isə bu problemlərin həllini gözləməlidirlər?

Qeyd edək ki, yol və kanalizasiya problemlərinin aradan qaldırılması ərazidə yaşayan insanların rahatlığı və təhlükəsizliyi baxımından mühüm əhəmiyyət daşıyır. Xüsusilə məktəbli uşaqların təhlükəsiz hərəkətinin təmin olunması diqqətdən kənarda qalmamalıdır.

AYMEDIACOMPANY.AZ olaraq aidiyyəti qurumları Xətai rayonu, Polad Həşimov küçəsində mövcud olan yol və kanalizasiya problemlərini araşdırmağa, sakinlərin müraciətlərinə diqqətlə yanaşmağa və məsələlərin həlli istiqamətində müvafiq tədbirlər görməyə çağırırıq.

Məsələ ilə bağlı aidiyyəti qurumların mövqeyini işıqlandırmağa hazırıq.

Hazırladı: Fəxri Nəsirli

AYMEDIACOMPANY.AZ