Sentyabrın 12-də "Trend.az"agentliyinin inzibati binasında "Replay Media"nın məhsulu olan "Qaraxanbəyli döyüşü" sənədli filminin təqdimatı keçirildi. Filmdə 44 günlük Vətən Müharibəsinin ilk günlərində Ordumuzun 1-ci mexanikləşdirilmiş taborunun göstərdiyi şücaətdən bəhs edilir. Taborun komandiri Elçin Allahverdiyev real döyüş çəkilişləri əsasında hayların Ohanyan xəttinin yarılması zamanı mərd Vətən oğullarımızın ölümün gözünə dik baxmasından, mənfur düşmənin darmadağın edilməsindən, qarşılıqlı tank döyüşündən ürək yanqısıyla danışır.
Belə ki, 1-ci taborun şəxsi heyyəti Qaraxanlı döyüşündə, İlandağ yüksəkliyinin götürülməsində çoxsaylı itkilər versə də, Qarabağda Böyük Zəfərimizin təməlini qoydu. Filmdə döyüş səhnələrinə, sonradan şəhidlik zirvəsinə ucalan əsgər və zabitlərimizin danışıqlarına həyacansız baxmaq olmur. Bundan əlavə, filmdə alçaq düşmənin çəkilişlərindən istifadə edilməsini xüsusi qeyd etmək lazımdı.
Bu baxımdan Ceyhun Səfərovun ideya müəllifliyi, Ələkbər Hüseynovun rejissorluğu ilə ərsəjə gələn "Qaraxanbəyli döyüşü" filmi 44 günlük Vətən Savaşının lentə köçürülmüş canlı abidəsidir.
Təqdimatda millət vəkili Aqil Abbas, 1-ci taborun qazisi Rüfət Atamoğlanov, Şəhid Anaları, "AY Media Company"nin əməkdaşları, "Dəmir Yumruq Alfa-A"İctimai Birliyin sədri Ülviyyə Əsədova, və media nümayəndələri iştirak etdi.
Rüstəm Rüstəmov
"AYMEDİACOMPANY.AZ"
