Bildiyimiz kimi avqustun 15-dən Respublika üzrə ümumi təhsil müəssisələrində məktəbəhazırlıq qruplarına sənəd qəbulu başlamışdı. Dövlət ümumtəhsil məktəblərində yaradılmış məktəbəhazırlıq qruplarına 5 yaşı həmin il tamam olmuş uşaqlar qəbul olunurlar. Məktəbəhazırlıq qruplarında təhsil dövlət hesabına həyata keçirilir.
Məktəbəhazırlıq qruplarının dövlət tərəfindən yaradılmasında məqsəd bu qrupa aid uşaqların məktəb təliminə hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdir.
Belə ki, bu qruplarda gün ərzində 3, həftədə 4 gün olmaqla 12 məşğələ keçirilir. Bir məşğələnin müddəti 30 dəqiqə, məşğələlərarası fasilə 10 dəqiqə müəyyənləşdirilib.
Məktəbəhazırlıq qruplarında “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi”, “Fiziki mədəniyyət” məşğələləri keçirilir.
Dövlət ümumtəhsil məktəblərində yaradılan məktəbəhazırlıq qruplarındə dərs ili iki yarımilə bölünür. Məktəbəhazırlıq qruplarında məşğələlər oktyabrın 1-də başlayıb, mayın 31-də başa çatacaq. Bu gün də "Aymediacompany.az" saytı olaraq Bakı şəhəri, Xətai rayonu, Nzs qəsəbəsində yerləşən Zakir Tofiq oğlu Yusifov adına 194 nömrəli tam orta məktəbdə keçirilən məktəbəhazırlıq qruplarının ilk dərs günü münasibətilə keçirilən tədbirdə iştirak etdik.194 saylı tam orta məktəb 1941-ci ildə məktəb kimi fəaliyyətə başlamış, 2012-ci ildə sokülmüş və yeniden tikilərək 2014-cü tədris ilində təhfil verilmişdir. Məktəbdə 63 sinif və bu siniflərdə 1643 şagird təhsil alır. Məktəbdə məktəbəqədər 6 qrup fəaliyyət göstərir və 118 nəfər müəllim işləyir. Hər il olduğu kimi bu il də məktəbdə yüksək səviyyədə tədbirlər keçirilir. Bu tədbirlər televiziya kanallarinda və mətbuatda işıqlandırılır. Hər il məktəbi yüksək nəticələrlə başa vurmuş şagirdlər bitirir. Son 5 il ərzində məktəbin 36 şagirdi 500-700 bal toplamış və ali məktəblərin yüksək fakultələrinə qəbul olmuşdur.
Oktyabrın 2-si keçirilən tədbir dövlət himnimizin səslənməsi ilə açıq elan edildi.Tədbirin açılışda məktəbin direktoru Elnarə Zeynalova təhsil, dövlətimizin təhsilə olan dəstəyi və qayğısı haqqında geniş çıxış etdi. Məktəbəhazırlıq qruplarının şagirdlərinə uğur və müvəffəqiyyət arzu edərək şagirdləri və valideyinləri təlimatlandırdı. Təhsilimizə dövlət qayğısı və yüksək keyfiyyətlə yanaşıldığı vurğulandı.
Daha sonra şagirdlər öz qruplarının müəllimələri ilə sinif otaqlarına daxil oldular.Tədbirdə "Aymediacompany.az" saytının, mədəniyyət şöbəsinin müdiri Fərid Əmiraslanovun oğlu Əmiraslanlı İbrahim Fərid oğlu da məktəbəhazırlıq kursunun ilk şagirdləri sırasında idi. Biz də "Aymediacompany.az" saytı olaraq Fərid müəllimi və övladı İbrahim olmaqla bütün şagird və təhsil işçilərinə bu müqəddəs yolda zehin açıqlığı, uğur və müvəffəqiyyət arzu edirik.
Fərid Əmiraslanov.
"AYMEDİACOMPANY.AZ" mədəniyyət şöbəsinin müdiri
