Bildiyiniz kimi 19-21 Oktyabr tarixlərində Bakı Ekspo mərkəzində Qarabağın bərpasına həsr edilən 21-ci Azərbaycan Beynəlxalq İnşaat sərgisi keçirilir. Sərgi müxtəlif ölkələri təmsil edən bir çox mütəxəssislərin iştirakı ilə bu sektorda fəalliyyət göstərən şirkətlərin inkişafına və beynəlxalq aləmdə tanınması yolunda ciddi işlər görür. Sərgidə Türkiyə, Rusiya, Belarusiya, Almaniya, İtaliya, İran, İspaniya, BƏƏ, Çexiya, Hindistan və digər ölkələrdən şirkət nümayəndələri yer alıb. Sərgidə bir çox firmaların məhsulları nümayiş olunur, firma nümayəndələri vasitəsi ilə inşaat malları haqqında sərgi iştirakçılarına dolğun məlumatlar verilir. Sərgidə bu il dünya bazarına daxil olacaq bir sıra yeni məhsullar təqdim ediləcək. "AYmediacompany.az" saytı olaraq sərgidə iştirak etdik. İnşaat sektorunda xidmət göstərən şirkətlərin əməkdaşları tərəfindən maraqlı məlumatlar əldə etdik. İqtisadiyyatı güclü olan ölkə hər şeyə qadirdir. Biz də bu sektorda ölkəmizi hüdudlarımızdan kənarda təmsil edənlərə, o cümlədən beynəlxalq şirkətləri ölkəmizdəki müvafiq strukturlarla əməkdaşlığa cəlb edənlərə uğur və müvəffəqiyyət arzu edirik.

Fərid Əmiraslanov
"AYMEDİACOMPANY.AZ" mədəniyyət şöbəsinin müdiri