AzTV-nin operatoru Sərxan Məmmədovun dünən Səbail rayonu ərazisində yol-nəqliyyat hadisəsi nəticəsində vəfat etməsi barədə xəbər vermişdik.
Anews.az xəbər verir ki, telekanalın Oğuz-Qəbələ bürosunun operatoru Məmmədov Sərxan Məhəmməd oğlunu telekanal binasının yaxınlığında yolu keçərkən avtomobil vurub. Onun həyatını xilas etmək mümkün olmayıb.
Bildirilir ki, S.Məmmədov treninq keçmək üçün Bakıya çağırılıbmış.
Evli olan 34 yaşlı Sərxanın 2 azyaşlı övladı var.
Mərhum operatorun bəzi fotolarını təqdim edirik.
