25’İyul 2025-ci il tarixində Turan Dayanışma Birliyi tərəfindən “İsrail-İran& İsrail-Suriya çalışmaları sürecinde Türk dünyasının gələcəyi” mövzusunda onlayn seminar keçirilib. Seminarın moderatoru, tanınmış yazar Alparslan Demir bildirib ki, bu kimi seminarları keçirməkdə əsas məqsəd Türk xalqlarının, Türk dövlətlərinin gələcəyini aydınlaşdırmaq, dünyada yeni bir gücə çevrilməsi prosesinə fayda verməkdir.
Daha sonra moderator mövzu ilə bağlı məruzə etmək üçün sözü AMEA Fəlsəfə və Sosiologiya İnstitutunun Türk xalqlarının fəlsəfi fikir tarixi və müasir fəlsəfəsi şöbəsinin müdiri, fəlsəfə üzrə fəlsəfə doktoru, dosent Faiq Ələkbərliyə verdi. Öz növbəsində Faiq Ələkbərli bildirib ki, hazırda təkqütüblü dünyadan çoxqutüblü dunyaya doğru getdiyimiz bir zamanda İsrail’in bölgədə İran və Suriya ilə çatışma içində olması təsadüfi deyil. İsrail Yaxın Şərqdə vahid güc olmaq istəyir və bu yolda onun əsas rəqibi Türkiyədir. Onun sözlərinə görə, Yaxın Şərqin tarixdə başlıca gücləri vaxtilə əsasən ərəblər, farslar, israillər və türklər olub. Bu anlamda Yaxın Şərqdə güc olma savaşı davam etməkdədir. Faiq Ələkbərli deyib ki, türklərin bölgədə və dünyada yeni bir gücə sahib olması üçün, ilk növbədə Türk fəlsəfəsini dərk etməlidirlər.
