Bakı şəhəri Xətai rayonunda yerləşən 166 nömrəli körpələr evi-uşaq bağçasında 20 Yanvar şəhidlərinin xatirəsinə həsr olunmuş anım tədbiri keçirilib. Tədbirdə bağçanın pedaqoji heyəti, uşaqlar və valideyinləri iştirak ediblər.
Anım tədbiri çərçivəsində iştirakçılara 20 Yanvar faciəsi barədə qısa məlumat verilib. Qeyd olunub ki, 1990-cı il 20 yanvar tarixində Sovet Ordusu Bakıya daxil olaraq dinc əhaliyə qarşı hərbi əməliyyat həyata keçirib, nəticədə çoxlu sayda insan həlak olub və yaralanıb. Bu faciə Azərbaycan xalqının azadlıq və müstəqillik uğrundakı mübarizəsində dönüş nöqtəsi kimi yaddaşlara həkk olunub.
Tədbirdə uşaqlar şəhidlərin xatirəsinə həsr etdikləri şeir və kompozisiyaları səsləndiriblər. Məqsəd yeni nəslə vətən sevgisini, tarixi yaddaşı və qəhrəmanlıq dəyərlərini aşılamaq olub.
Sonda iştirakçılar şəhidlərin ruhuna ehtiramlarını bildirərək onların xatirəsinin xalqımızın yaddaşında daim yaşayacağını vurğulayıblar.
Allah Şəhidlərimizə rəhmət eləsin.
Fərid Əmiraslanov
"AYMEDİACOMPANY.AZ" mədəniyyət işləri üzrə direktor müavini
